काठमाडौं । नेपालमा थप २ सय २६ जनामा कोरोना संक्रमण पुष्टि भएको छ ।
स्वास्थ्य मन्त्रालयका प्रवक्ता डा विकास देवकोटाले नियमित लाइभ अपडेट मार्फत नेपालमा थप २२६ जनामा कोरोना संक्रमण पुष्टि भएको जानकारी दिए ।
डा देवकोटाका अनुसार नयाँ थपिएका संक्रमित मध्ये २१३ जना पुरुष र १३ जना महिला रहेका छन् ।
योसँगै नेपालमा कोरोना संक्रमितको संख्या १ हजार ७९८ पुगेको छ ।
डा देवकोटाका अनुसार प्रादेशिक जनस्वास्थ्य प्रयोगशाला विराटनगरमा २ जनमा कोरोना संक्रमण पुष्टि भएको हो । उनीहरु झापा बाह्रदशीका ३२ र ४६ वर्षका पुरुषहरु छन् ।
यस्तै पोखराको प्रादेशिक प्रयोगशालामा गरिएको परीक्षणमा नवलपरासी पुर्व कावासोतीका २ जना २२ र ३६ वर्षीय पुरुष, नवलपरासी पुर्वका विनात्रिवेणीका एकजना १४ वर्षीय बालक रहेका छन् ।
डा देवकोटाका अनुसार कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा ४३ जनाको पोजेटिभ आएको छ ।
उनीहरु दैलेखको नारायण नगरपालिकाका ९ जना १७ देखि ३५ वर्षका पुरुषहरु, दैलेख सिमडाका २ जना २४ र २९ वर्षका पुरुष रहेका छन् ।
यस्तै दैलेख देवाकाडाका ३ जना १८ देखि ३८ वर्षका पुरुष, दैलेख सोतका एकजना र सादुका ३५ र २२ वर्षका पुरुष रहेका छन् ।
यस्तै दैलेखको जुकेपानीका एकजना ६० वर्षका पुरुष रहेका छन् ।
यस्तै दैलेख दुल्लुका ७ जना २३ र ३० वर्षीया २ जना महिला र २ वर्षका बालक देखि ३९ वर्षका पुरुषहरु रहेका छन् ।
यस्तै जुम्ला हिमाका ८ जना ३२ देखि ६३ वर्षका पुरुषहरुमा पनि कोरोना संक्रमण पुष्टि भएको प्रवक्ता डा देवकोटाको भनाइ छ ।
डा देवकोटाका अनुसार जुम्लाकै सिम्जाका ९ जना १२ देखि ४५ वर्षका व्यक्तिहरु, जुम्लामा कार्यारत २ जना २७ र ३४ वर्षका पुरुषहरु पनि संक्रमित भएका छन् ।
यस्तै प्रदेश अस्पताल सुर्खेत र पशुपन्छि रोग अन्वेषण प्रयोगशालामा गरिएको परीक्षणमा ३२ जनाको पोजेटिभ आएको छ । उनीहरु पनि दैलेख नारायण नगरपालिकाका १६ जना १० वर्षका बालक देखि ३६ वर्षका पुरुषहरु रहेका छन् । यस्तै दैलेखकै एकजना २५ वर्षीया पुरुष, सल्यान वनगाड कुपिन्डेका १० जना २० देखि ४० वर्ष उमेर समुहका पुरुष रहेका छन् । यस्तै सुर्खेत वराहातालका ५ जना २० देखि २६ वर्ष उमेर समूहका पुरुष रहेका छन् ।
अहिलेसम्म ७१ हजार ९०३ जनाको पीसीआर विधिबाट परीक्षण गरिएको छ । जसमध्ये ७० हजार १०५ मा संक्रमण देखिएको छैन ।
अहिले नेपालका विभिन्न जिल्लामा १ लाख १३ हजार ७५७ जना क्वारेन्टाइनमा छन् । त्यस्तै १ हजार ५६९ जना आइसोलेसनमा उपचाररत छन् । संक्रमितमध्ये २२१ जना निको भएका छन् ।
आफ्नो प्रतिक्रिया दिनुहोस् !