मुकेश यादव बरियारपट्टी ।सिरहाको मिर्चैया नगरपालिका वडा नं. ६ बस
पार्क स्थित भारतिय नागरिकलाई लागूऔषध सहित प्रहरीले पक्राउ गरेको छ ।

ईलाका प्रहरी कार्यालय सिराहाबाट प्र.ह.शिवशंकर मण्डलको कमाण्डमा खटिएको गस्ति टोलीले शंका लाग्दा चेकजाँच गर्दा भारतको मधुवनि जिल्ला ग्राम पंचायत पिपराही लदनिया बस्ने अन्दाजी बर्ष २४ को साहिद अहमदलाई पक्राउ गरेको छ । पक्राउ गरेको अहमदका राजनिवासको झोला भित्र लुकाई छिपाई ल्याएको DIAZEPAM INJECTION I.P 2ML लेखिएको एम्पुल ६थान,ABBOTT ( PHENERGAN )2ML लेखिएको एम्पुल ६थान,BUPRENORPHINE INJECTION लेखिएको एम्पुल ६थान,Nitravete-10 लेखिएको ट्याबलेट८६ थान फेला परेको जिल्ला प्रहरी कार्यालय सिरहाको एसपी टेकुन्द लिम्बू बताए । निजलाई नियन्त्रणमा लिई सम्मानित सिरहा जिल्ला अदालतबाट १५ दिनको म्याद लिई ईलाका प्रहरी कार्यालय मिर्चैया थप अनुसन्धान भइरहेको एसपी लिम्बू बताए ।