बरियारपट्टी ।सिरहामा प्रतिबद्धत लागूऔषध सहित प्रहरीले एक जनालाई पक्राउ गरेको छ ।

चाडपर्वको समयमा भगवानपुर गाउँपालिका वडा नम्बर १ स्थित हुलाकी राजमार्गमा प्र.स.नि. मुना साहको कमाण्डमा खटिएको चेकिङ टोलीले लागूऔषध सहित सन्तोष लाई पक्राउ गरेको हो ।पश्चिमबाट पुर्वतर्फ जादै गरेको स ९ प ८२५१ नम्बरको मोटरसाईकल लाई शंका लागी चेकजाँच गर्ने क्रममा मोटरसाईकल चालक जिल्ला उदयपुर त्रियुगा नगरपालिका वडा नम्बर ११ बस्ने अन्दाजी वर्ष ३३ को सन्तोष चौधरीले मोटरसाईकलको सिट मुनि कालो प्लाष्टिकको झोलामा लुकाई छिपाई राखेको लागुऔषधहरु फेला परेको छ ।

चौधरी मोटरसाइकलमा DIALEX-DC लेखिएको– १ बोतल,फेनरगन लेखिएको ३० एम्पुल,डाईजेपाम लेखिएको ३० एम्पुल ,ब्रुफेनोरफिन लेखिएको ३० एम्पुल लागूऔषध फेला परेको जिल्ला प्रहरी कार्यालय सिरहाको प्रवक्ता रबिन्द्र राज पाण्डे जानकारी दिए । उक्त लागूऔषध र मोटरसाईकल सहित निजलाई नियन्त्रणमा लिई इलाका प्रहरी कार्यालय लहान सिरहाबाट थप अनुसन्धान भईरहेको पाण्डे जानकारी दिए ।