काठमाडौं-शिक्षण सिकाई अनुदानमा कार्यरत शिक्षकहरुले स्थायी शिक्षक वा अन्य शिक्षकहरु सरह सेवा सुविधा उपलब्ध गराउन माग गरेका छन् । सरकारले शिक्षण सिकाई अनुदानमा कार्यरत शिक्षक र अन्य शिक्षकहरुले पाउने सेवा सुविधामा विभेद रहेको भन्दै समान सेवा सुविधा उपलब्ध गराउन माग गरेको हुन ।
शिक्षा, विज्ञान तथा प्रविधि मन्त्री र शिक्षा तथा मानव स्रोत विकास केन्द्रमा ७ बुँदे ध्यनाकर्षण पत्र बुझाउँदै आगामि आर्थिक वर्ष २०८० ०८१ देखि सेवा सुविधामा अन्य शिक्षक सरह समानाता हुनुपर्ने माग गरेका छन् ।
ध्यनाकर्षण पत्रमा भनिएको छ विद्यालय तहका मुख्य विषयहरु अंग्रेजी, गणित र विज्ञान विषयका दरबन्दी अभाव कम गर्न शिक्षण सिकाई अनुदान कार्यक्रम ल्याइएको छ । उक्त कार्यक्रम अन्तर्गत कार्यरत शिक्षकहरुको सेवा सुरक्षा तथा रोजगारी निरन्तरताको कुनै आधार छैन ।सोही तहमा कार्यरत अन्य शिक्षकहरुले पाउने सेवा सुविधा पनि भिन्न छ । एकातिरस्थायी शिक्षक वा अन्य शिक्षकले पाउँदै आएको तलब भत्ता भन्दा कम छ । अन्य शिक्षकले पाउने पोशाक भत्ता, विदा सुविधा, चाडपर्व खर्च लगायतका सुविधाबाट वञ्चित गरिएको छ ।
त्यसैगरी अंग्रेजी, गणित र विज्ञानको अनुदान कोटामा कार्यरत शिक्षकको लागि कार्यरत विद्यालयमा नै स्वीकृत दरबन्दी कायम गरिनुपर्ने र दरबन्दी मिलानका नाममा शिक्षण सिकाई अनुदानमा कार्यरत कुनै पनि शिक्षकलाई अवकाश दिन नहुने माग रहेको छ । विगत देखि शिक्षण सिकाई अनुदानमा कार्यरत रहेका शिक्षकहरुलाई शिक्षक सेवा आयोगले लिने छनौट परीक्षामा उमेरहद लगाउन नहुने साथै सेवा अवधि वर्ष वापतको अंक गणना हुनुपर्ने माग राखेका छन् ।
आफ्नो प्रतिक्रिया दिनुहोस् !