मुकेश यादव बरियारपट्टी।सिरहाको बरियारपट्टी गाउँपालिका वडा नम्बर ५ जिझौलका गाउँपालिका अध्यक्षको प्रत्याशित अजयकुमार यादवले यसै पालिकाको वडा नम्बर ३ बलुवा चौक भन्दा दक्षिणमा व्यावसायिक कुखुरा,माछा र बाख्रा पालन सुरु गरेको छ । त्यसअघि उनी परम्परागत खेतीपाती गर्थे ।
देशै भरि मासुको माग बढ्न थालेपछि आफुले कुखुरा,माछा र बाख्रा पालन व्यवसाय सुरु गरेको उनको भनाई छ ।

नेपाल कृषिप्रधान देश हो यहाँ अधीकान्सले ‘परम्परागत खेती गर्छन् , मलाई चाहीँ केही फरक व्यवसाय गर्नुपर्छ भन्ने सोच थियो, त्यसैले कुखुरा,माछा र बाख्रा फार्म सुरु गरेको हुँ,’ पत्रकार मुकेश कुमार यादवसंग भने ।

२हजार ३ सय वटा चल्ला हालेर फार्म सुरु गरेका अजयकुमार यादवको कुखुरा फार्म’मा अहिले ७ हजार कुखुरा छन् । व्यवसायमा गरेको प्रगतिले सन्तुष्ट छन् उनी ।

‘सोचेजस्तै गरी व्यवसाय अघिबढ्दै गयो, जसले मलाई प्रोत्साहन पनि मिल्यो, अहिले त मलाई अरु भन्दा यही व्यवसाय धेरै ठीक लाग्न थालेको छ,’ उनी भन्छन् ।

यो व्यवसायबाट अहिले वार्षिक ५ लाख रुपैयाँको हाराहारीमा आम्दानी गरिरहेको उनले बताए ।

‘विदेशमा गर्ने मेहेनत यहीँ गरियो भने आफ्नै गाउँ–ठाँउमा परिवारसँग बसेर राम्रो आमदानी गर्न सकिने रहेछ,’ यादवले ले भने ।

उनले व्यवसाय सुरु गर्दा प्रतिगोटा चल्लाको मुल्य १००रुपैयाँ थियो । अहिले एउटा चल्लाको मुल्य १ सय ५० रुपैयाँदेखि २ सय रुपैयाँसम्म पर्ने यादवले सुनाए । उनको फार्ममा ‘ब्रोइलर’ कुखुरा,माछा र बाख्रा मात्रै पाइन्छ ।

परम्परागत व्यवसायबाट नयाँ व्यवसायमा प्रबेश गर्दा कठिनाइ भोग्नु परे पनि आफू कहिल्यै निरुत्साहित नभएको उनले बताए ।

जब उनको व्यवसायको आकार बढ्दै गयो, तब उनले परिवारका अन्य सदस्य र बाहिरी कामदारलाई पनि काम लगाउन थाले । ज्यालादारी कामदारलाई दैनिक ४ सय रुपैयाँसम्म ज्याला दिने गरेको यादवले सुनाए ।

अहिले मासुका लागि मात्रै उत्पादन गर्दै आएका यादवले अब अण्डाको ब्यवसाय पनि सुरु गर्ने बताए ।

त्यतिमात्रै होइन, कुखुराको सुलीबाट उत्पादित मलबाट पनि राम्रो आम्दानी लिंदै आएको उनले सुनाए । यादवले यहीँ आम्दानी बाट समाजसेवा र राजनेति यात्रामा सहयोग हुन्छ उनले भने ।