बरियारपट्टीको वडा नम्बर ४मा फाईवर वाला कम्बल वितरण गरे
।चिसोबाट जोगाउन सिरहाको बरियारपट्टी गाउँ पालिका वडा नम्बर ४मा १५०थान कम्बल वितरण गरेको छ।
न्यानो कपडाको अभावमा चिसोले कठ्याङ्ग्रिएर बसिरहेका विपन्न, दलित, अशक्तलाई बरियारपट्टी गाउँ पालिका वडा नम्बर ४ को अध्यक्ष नबिन कुमार यादवको अध्यक्ष्ातामा कम्बल वितरण गरेपछि उनीहरुले खुशी व्यक्त गरे। यहीँ कम्बल वितरण कार्यक्रम पुष महिनामा गरेको भए अझै राम्रो हुन्थ्यो स्थानीय महेश्वर सदाले बताए ।

वितरणमा सहभागी स्थानीय बुद्धिजीवि ,कार्यपालिका सदस्य रंजन कुमारी शर्मा ,वडा सदस्य संजिव राय ,शिक्षक ,समाजसेवी,पालिकाको कर्मचारी र उपाध्यक्ष ममता यादव लगायतको उपस्थिति थियो ।

केहि दिन यता बल्ल दिउँसो मधुरो घाम लागे पनि बिहान बेलुका अत्याधिक चिसो हुने गरेकाले गरिब, विपन्न र आशक्त वर्गका सर्वसाधारण शीतलहरको मारमा परेकाको कारण ढिलो भए पनि १ देखि ५ नम्बर वडामा पालिकाको बजेट वाट कम्बल वितरण गर्ने उपाध्यक्ष ममता यादवले बताए ।