महोतरी ।महोतरीको लोहरपट्टी नगरपालिका वडा नम्बर २ र ७ मा दलित र विपन्न परिवरलाई ८हजार ५ सय मुल्य बराबरको न्यानो कपडा तथा डसना वितरण गरिएको छ । ईस्लामिक रिलिफ नेपालीको सहयोग र दलित समाज उत्थान समिति नेपाल महतोरी द्वारा न्यानो परियोजनाअन्तर्गत लोहरपट्टी नगरपालिका वडा नम्बर २ को अध्यक्ष राम मिलन यादवको अध्यक्षतामा २६८ दलित तथा विपन्न घरपरिवारलाई न्यानो कपडा वितरण गरेको छन ।
त्यस्तै यसै पालिकाको वडा नम्बर ७ को अध्यक्ष गणेश ठाकुरको अध्यक्षतामा ३२९ दलित तथा विपन्न घरपरिवार लाई न्यानो कपडा वितरण गरेको छन ।
लोहरपट्टी नगरपालिका र बलवा नगरपालिकामा १२सय घरपरिवार लाई न्यानो कपडा वितरण गरिएको दलित समाज उत्थान समिति नेपाल महोतरीको अध्यक्ष डेजि पाण्डेले जानकारी दिए ।
वितरण कार्यक्रमको सहजीकरण वडा नम्बर २र७ को कार्यालयले गरेको थियो । नगरपालिकाभित्रका गरीब तथा विपन्न परिवारको संख्या छनोट गरेर न्यानो कपडा तथा डसना वितरण गरिएको संस्थाको अध्यक्ष डेजि पाण्डेले बताए ।बलवा नगरपालिका वडा नम्बर ३ मा ३०३ र वडा नम्बर १ मा ३०० गरि जम्मा ६०३ घरपरिवार लाई वितरण गर्न बाकी रहेको अध्यक्ष पाण्डे बताए ।
स्थानीय सरोज कुमार यादवले भने चिसो मौसममा न्यानो कपडा पाउँदा खुसी लागेको बताउँदै दलित समाज उत्थान समिति नेपाल महोतरीको संस्थालाई धन्यवाद दिएका छन् ।
आफ्नो प्रतिक्रिया दिनुहोस् !