गर्हु छर्न मलको अभाव

मुकेश कुमार यादव ।मधेस प्रदेशको सिरहामा गहुँ खेतीका लागि आवश्यक रासायनिक मलको अभाव भएको छ
किसान यतिखेर गहुँ खेती गर्नका लागि आवश्यक पर्ने उन्नत जातको बीउ, रासायनिक मलको जाेहाे र खेतकाे सरसफाइ तथा जाेताइँमा लागेका छन् ।

गहुँ छर्ने बेलामा आवश्यक पर्ने डिएपी रासायनिक मलको अभाव कायमै छ । सरकारले हरेक जिल्लाका लागि काेटा निर्धारण गरी कृषि सामग्री कम्पनी लिमिटेड र साल्ट्रेडिङ कम्पनीलाई मल वितरणको जिम्मा दिएको छ ।
कृषि सामाग्री र साल्ट ट्रेडिङले कृषि सहकारी संघमार्फत स्थानीय पालिकाकाे सिफारिसमा मल वितरण गर्दै आएको छ ।
मल अभावका कारण किसानलाई वितरण गर्न नसकिएको सहकारी संस्थाले जनाएको छ ।
हामीलाई उपलब्ध गराइएको परिमाणको मल किसानलाई बाँड्ने गरेका छाैँ , सिरहाको बरियारपट्टी गाउँ पालिका लक्षण सहकारीका सञ्चालक अजयकुमार यादवले बताए । गहुँबालीका लागि तत्काल आवश्यक रासायनिक मल नपाएकाले गहुँबाली लगाउन समस्या भएको किसानले गुनासो गरेका छन् ।
यसअघि भारतीय बजारबाट जेनतेन गरी मल ल्याउने गरेकामा अहिले भारतीय प्रहरी ल्याउन नदिएको बरियारपट्टी गाउँ पालिका वडा नम्बर -३ रामबालक मण्डल बताउँछन् , मल मात्र हाेइन् किसानलाई गहुँ काे बीउसमेत अभाव भएको छ ।