रासिन्द्र यादव
सिराहा । सिराहाको नरगी-बडहरी सडकखण्डमा एक युवक मृत अवस्थामा फेला परेको छ । शुक्रबार राति करिब ११ बजे बडहरीबाट नरगी जाने क्रममा बरियारपट्टी १ घर भएका ३२ वर्षीय राम शंकर यादव बाटोमा मृत अवस्थामा भेटिएको बताईएको छ ।
बडहरीमा काम विशेषले गएका राम शंकर यादव फर्किदा आफ्ना मित्र ड्म्बर यादव लाई लिएर नरगी तिर गएको स्थानीयले बताए । हाल प्रहरीले डम्बर यादवलाई अनुसन्धानका निम्ति नियन्त्रणमा लिएको खुलेको छ । मृत यादव सवारी दुर्घटनामा परेको प्रहरीले जनाएपनी घटनाको प्रकृति त्यस्तो नरहेको बरियारपट्टी गा.पा १ का वडा अध्यक्ष देवेन्द्र यादवको भनाइ छ । अध्यक्ष यादवले मृत यादवको मुख रक्ताम्य रहेको तर उनको मोटरसाइकलमा केही क्षति नहुनु ले हत्याको शंका उब्जाएको बताए ।
जिल्ला प्रहरी कार्यालय सिराहाले घटनाको सत्यतथ्य खोजबिन जारी रहेको जनाएको छ ।
