मुकेश कुमार यादव बरियारपट्टी ।लक्ष्मीनियाँ युवा सेवा समाज समिति दोहा कतारको आयोजनामा शनिबार सिरहाको वडा नम्बर १८ लक्ष्मीनियाँमा निःशुल्क स्वास्थ्य शिविर सम्पन्न भएको छ ।
शिविरमा ३सय ५० जनाभन्दा बढीले स्वास्थ्य जाँच गराएको वडा अध्यक्ष शैलेन्द्र कुमार यादवले जानकारी गराएका छन् । लहान एडभान्स पोलिकिल्निकको कार्यरत विशेषज्ञ चिकित्सकहरूले स्त्री रोग, हाडजोर्नी, जेनेरल मेडिसिन, छाती रोगसम्बन्धी चिकित्सीय सेवा उपलब्ध गराएका थिए ।
वडा नम्बर १८ र लक्ष्मीनियाँ युवा सेवा समाज समिति दोहा कतारको सहकार्यमा सञ्चालित उक्त शिविरकामस नि:शुल्क ४० प्रकारको औषधि वितरण गरेको लक्ष्मीनियाँ युवा सेवा समाज समिति दोहा कतारको अध्यक्ष बिरेन्द्र मण्डल जानकारी गराए ।चेकजाँच हुदा अधिकान्स बिरामीमा महिलाहरूको पाठेघरमा समस्या,बच्चालाई रुघाखोकी,ज्वरो ,र मधुमेह ,ग्यासटाटीस जस्ता रोग रहेको शिविरमा कार्यरत चिकित्सकले बताए । लक्ष्मीनियाँ युवा सेवा समाज समिति दोहा कतारको अध्यक्ष मण्डलको अनुसार यो संस्था एक अर्काको सहयोग गर्ने लक्ष्य र सामाजिक सेवामा सक्रिय रहने उद्देश्यसहित स्थापना भएको हो ।
आफ्नो प्रतिक्रिया दिनुहोस् !