बरियारपट्टी ।सिरहाको बरियारपट्टी गाउँपालिका वडा नम्बर १ का आधारभूत विद्यालय कचनारीले मुहार फेरिदै छ । विद्यालयमा राजनेति अड्डा बनाएको कारण प्रधानाध्यापक परिवर्तन भयो तर शैक्षिक अवस्थामा सुधार भएन ।जुन जोगी आएपनि कानै चिरेको चरितार्थ भएको यो विद्यालयको पठनपाठन ।

विद्यालयमा प्रधानाध्यापक रामसुफल यादव हाजिर भएको ६ महिना न बितिदै पठनपाठनमा सुधार र अभिभावक,शिक्षकशिक्षिका मन जित्न सफल भएको छन ।
यो भन्दा पहिला यश विद्यालयमा गुणस्तरीय शिक्षा सिकाइ त के विद्यालय संचालन रुखको सितलमा हुन्थयो विद्यार्थी बस्ने कक्षा कोठामा झ्याल थिएन ,खानेपानी,अव्यवस्थित शौचालय र शैक्षिक सामग्री अभावका कारण शिक्षा क्षेत्रमा सुधार आउन सकेको थिएन, प्राधानाध्यापक यादवले बताउनुभयो ।

विद्यालयको शैक्षिक सुधारका लागि शिक्षक विद्यार्थी तथा अविभावकमा राम्रो सहकार्य हुनु पर्छ । यो सँगै विद्यालयमा खानेपानी, शौचालय, शैक्षिक सामाग्री तथा विषय मिल्दो राम्रो शिक्षकको व्यवस्था पनि हुनुपर्छ अनि मात्र गुणस्तर शिक्षा विद्यार्थीलाई दिन सकिन्छ अभिभावक सन्तोष यादवले बताए ।

स्थानीय सरकारले शिक्षा क्षेत्रमा राम्रो लगानी गरे मात्र गुणस्तरीय शिक्षामा पनि वृद्धि हुन सक्छ ।
आधारभूत विद्यालय कचनारीका अध्ययनरत छात्र सरिता साहले भन्नुभयो, “यस भन्दा पहिला कक्षा कोठा झ्याल नहुँदा विद्यार्थीहरुलाई पानी परेको बेला पढ्न समेत निकै गाह्रो हुने गथ्र्यो, अहिले त्यो समस्याको पनि अन्त्य भएको छ ।”

कक्षा ४ मा अध्ययनरत विद्यार्थी मनिषा यादवले चिसोका कारण तथा हावाहुरीमा पहिले पढ्न समस्या हुने गरेको भए पनि अहिले भने सहज भएको उहाँको भनाइ छ ।

विद्यालयको भौतिक सुधारसँगै शैक्षिक सुधारका लागि गर्नुपर्ने काम धेरै भएकाले कक्षाकोठामा झ्याल ,सौचालय,खानेपानी व्यवस्थित गरेमा विद्यालयमा सुधार आएको भन्न नमिल्ने एक अभिभावकको भनाइ छ । विद्यालय संरचनाको सुधारसँगै दरबन्दी अनुसारको शिक्षकको व्यवस्था गरेर पठनपाठन सञ्चालन गर्नुपर्ने उहाँको माग छ ।