काठमाडाैं । राजेश विद्रोही डा.बाबुराम भट्टराई नेतृत्वको नेपाल समाजवादी पार्टीका केन्द्रीय सदस्य एवम जनजागरण अभियानका नेतृत्वकर्ता हुन् । समाजमा व्याप्त जातीय विभेद र उत्पीडनविरुद्ध क्रियाशिल विद्रोही आगामी मंसिर ४ गतेको निर्वाचनमा उम्मेदवार हुने तयारीमा छन् ।
संचारकर्मिहरुसँग कुरा गर्दै विद्रोहीले सप्तरी ४ बाट गठवन्धनकातर्फबाट उम्मेदवार हुने घोषणा गरे । उनी भन्छन्, ‘सकभर गठवन्धनबाट उम्मेदवार बनिन्छ, यदि टिकट नपाए जनचाहना अनुसार स्वतन्त्र उम्मेदवारी दिन मनसाय छ । स्वतन्त्र उम्मेदवारी दिँदा पार्टी अध्यक्ष बाबुरामले कारवाही गर्छन् भने आपत्ति छैन ।’
सप्तरी ४ बाट यसपटक जनताले आफैलाई निर्वाचित गर्ने उनको दाबी छ । विद्रोहीसँगको कुराकानीका प्रमुख अंश यस्ता छन् :
क) बाबुराम भट्टराई उपेन्द्र यादवसँग हारेर प्रचण्डको शरणमा गएका होइनन् । उपेन्द्र यादव सिद्धान्तहीन र षडयन्त्रकारी भएकाले समस्या भएको हो ।
ख) पार्टी नयाँ भएकाले चुनावमा नेकपा माओवादी केन्द्रको हँसिया हतौडा चुनाव चिन्ह र एउटै घोषणापत्रमा जानु हाम्रो बाध्यता हो ।
ग) बाबुरामले कम्युष्टि विचारधारा छोडेका होइनन, यसलाई युगसापेक्ष बनाउन खोजेका हुन् ।
घ) उपेन्द्र यादवका मन्त्रीहरु भ्रष्टाचारमा लिप्त छन् । केन्द्र र मधेश सरकारका व्यापक भ्रष्टाचार गरिरहेका छन् । त्यसबाट उपेन्द्रले लाभ लिन्छन् ।
ङ) नेकपा माओवादी केन्द्रसंग पार्टी एकताको कुनै कुरा भएको छैन । हाल यो सम्भव छैन । प्रचण्डले आफूलाई परिमार्जन गरे भविश्यमा हुनसक्छ ।
च) प्रचण्ड बाँचु्ञ्जेल माओवादीमा नेतृ्त्व फेरिदैन । उनले अर्को कसैलाई पनि नेतृ्त्वमा आउन दिँदैनन् ।
छ) आउँदो चुनावमा एमालेले दोस्रो स्थान मात्र पनि हासिल गर्छ भने त्यो उसको विजय हो । त्यो अवस्थामा गठवन्धन र यसका नेताहरुले आत्महत्या गरे हुन्छ ।
सम्वन्धित समाचार
:
