सिरहाको नवराजपुर गाउँपालिका वडा नम्बर – ३ मा हालै चुलिएको मन्दिर विवादलाई राजनीतिकरण गरिएको भनी वडा अध्यक्ष बन्सीलाल यादवले प्रतिक्रिया दिएका छन् ।
उक्त वडाकै एक स्थानीय किसान उग्रदेव महतोमाथि आफुले कुनै किसिमको दुर्ववहार नगरेको दावी गर्दै अध्यक्ष यादवले भने ‘यदि मैले कसैमाथि कुनै प्रकारको दुर्ववहार गरेको प्रमाणीत भएमा नेपालको प्रचलित ऐन कानुन अनुसार कार्यवाही भोग्न तयार छु।’
अध्यक्ष यादवमाथि गएको विहिवार महतोलाई निर्घात कुटपिट गरेको आरोप लागेको थियो । मन्दिर निर्माणको बिषयमा विवाद भएपछि जगतपुर टोलका स्थानीय उग्रदेव महतोले आफुलाई वडा अध्यक्ष यादवले कुटपिट गरेको भन्दै पत्रकार सम्मेलन गरेर सार्वजनिक गरेका थिए। महतोले मन्दिर निर्माण सम्बन्धि प्रश्न गर्दा आफुमाथि दुर्ववहार भएको बताएका थिए ।
वडा अध्यक्ष यादवले पुरानो डिहबार मन्दिर चारैतिरबाट निजि जग्गाले घेरिएको र जाने बाटो नभएकोले रामजानकी गुठीको पोखरी डिलमा बनाउन लागेको बताएका छन् । डिहबार मन्दिरका लागि प्रदेश सरकारले डिभिजन वन कार्यालय लहान मार्फत १५ लाख रुपैया बजेट दिएको बुझिएको छ ।
यादवले निर्माणाधीन डिहबार मन्दिरको वरिपरि सौन्दर्यकरण गरि पर्यटकीय क्षेत्र बनाउने लक्ष्य रहेको बताएका छन् ।
आफ्नो प्रतिक्रिया दिनुहोस् !