सिराहा । सिराहाको बरियारपट्टी गाउँपालिकाको अध्यक्षमा सन्तोष महतो पुनः निर्वाचित भएका छन् । महतो जनता समाजवादी नेपालबाट निर्वाचित भएका हुन।
महतोले ३ हजार ८४४ मत ल्याएको छ भने उनका निकटतम प्रतिद्वन्द्वी काङ्ग्रेसका उपेन्द्र प्रसाद यादवले ३ हजार ५३४ मत प्राप्त गरेका छन् । निर्वाचित महतो ३ सय १० मतको अन्तरले विजयी भएको हो ।
त्यसैगरी उपाध्यक्षमा काङ्ग्रेस कि ममता यादव ५१२ मतान्तरले निर्वाचित भएकी छिन् । उक्त गाउँपालिकामा ४ वटा वडा काङ्ग्रेसले जितेका छन् भने १ वटा वडामा नेकपा माओवादी केन्द्रले जित हासिल गरेका छन् ।
