सिराहा । सिराहाको शैक्षिक वातावरणलाई सुधार्न आवस्यक भएको भन्दै ‘केवल परिक्षाको बेला नभई पढाईको बेला समेत अनुगमन जारी रहने’ जानकारी जिल्ला प्रशासन सिराहा प्रमुख लालबाबु कवारीले दिए ।
शिक्षा देशको मेरुदण्ड हो । यसमा रहेको विकृतिलाई निर्मुल पार्न शिक्षक र अभिभावकको महत्त्वपूर्ण भुमिका हुनुपर्ने भएकोले यस अभियानमा जिल्लावासीलाई सहयोग गर्न समेत सिडियो कवारीले अपील गरेका छन् ।
उनले भने ‘कुनैपनि समाजको आकाक्षा, अन्तराष्ट्रिय परिवेश, राष्ट्रिय शिक्षा निती लाई समुदायनुकुल हुनेगरी व्यावहारिक व्यावसायिक र शैदान्तिक रुपमा समायोजित तरिकाले शैक्षिक संस्थाहरुलाई अघाडी बढाउने कोशिस गर्नु आजको आवस्यकता हो ।’
हाल चल्दै गरेको एसइई परिक्षामा बुधबार सम्म तिनवटा सेन्टरका केन्द्राध्यक्ष सहित उक्त सेन्टरका सम्पुर्ण गार्डहरुलाई अमर्यादित ढंगले परीक्षा लिईरहेको कारणले कार्यवाही गरिएको छ । हालसम्म १ सय भन्दा बढी मोबाईल खोसिएका छन ।
