लहान ८, वैशाख । स्थानीय तहको निर्वाचन नजिकिए संगै सिरहाको बरियारपट्टीमा गाउँपालिकामा निर्वाचन अधिकृतको कार्यालय स्थापना गरिएको छ ।

निर्वाचन अधिकृत संजय बहादुर राजलवट ले आज औपचारिक रुपमा कार्यालयको समुदघाटन गरेको हो । ९ जना जनशक्ति रहने गरि स्थापना गरिएको कार्यालयमा साहयक निर्वाचन अधिकृत , साहयक निर्वाचन अधिकृत रन्जित जंग अधिकारी , लेखापाल , कम्प्युटर अपरेटर, सवारी चालक , कार्यालय सहयो २ जनाग र सुरक्षाकर्मी १ जना लगायतका कर्मचारी रहने उहाँले बताए ।

प्रत्येक निर्वाचन अधिकृतको कार्यालयमा ९ /१० जना कर्मचारीको जनशक्ति रहने व्यवस्था निर्वाचन आयोगले गरेको छ ।
वैशाख ३० गते हुने स्थानीय तहको निर्वाचनका लागि आयोगले ११ र १२ गते उम्मेदवारको मनोनयन दर्ताको कार्यक्रम राखेको छ । कार्यालय स्थापना भएपछि उम्मेदवारहरुले स्थानीय पालिकामै मनोनयन दर्ता गर्न सक्नेछ । पालिकामा निष्पक्ष रुपमा निर्वाचन सु- सम्पन्न गर्न निर्वाचनको सम्पुर्ण कामकाज उक्त कार्यालयले नै गर्ने अधिकृत राजलटले बताए ।