मुकेश कुमार यादव ।स्थानीय चुनाव नजिकीदै जाँदा दलहरु चुनावी प्रचारप्रसारमा व्यस्त बनेका छन् । यति बेला विभिन्न नगरपालिका, गाउँपालिका चुनावी माहोल चल्दै गइरहेको छ । अध्यक्ष, उपाध्यक्ष, वडाध्यक्ष, सदस्य जस्ता पदमा उमेदवारी दर्ता गर्नेले घोषणा गर्दै सम्भावित जनप्रतिनिधिहरु चुनावी प्रचारप्रसारमा व्यस्त बनेका छन् ।
यतिबेला सुखिपुर नगरपालिकाको वडा नं १०, दहिपौडिका वडा अध्यक्ष पदको लागि नेपाली काङ्ग्रेसबाट लालु प्रसाद यादवको नाम चर्चा छ । समाजसेवी तथा व्यवसायीसमेत रहेका यादवले वडा अध्यक्षको लागि उमेदवारी दिने धोषणा गरेका छन् ।
युवा जोस जाँगरले भरिएका यादवलाई विगतमा अन्य दलका क्रियाकलापसंग असन्तुष्ठ रहदा, वडामा आफ्नो उमेदवारी खाँचो महसुस गर्दै वडा अध्यक्ष पदका लागी उमेदवारी दिएको बताउछन् ।
उनी थप्छन् उम्मेदवारी घोषणा संगै यादबले भने “मेरो उम्मेदवारी व्यक्तिगत स्वार्थको लागि नभएर जनता हितको लागि हुनेछ । नेपाली काङ्ग्रेसको तर्फबाट सुखिपुर नगरपालिकामा सबै जातजाति अट्ने, खट्ने, जुट्ने सहित गरिब, धनि, मजदुर, किसान, गाउँ, शहर, युवा, बृद्ध, महिलाहरु लगायतको समान सहभागिता गर्न गराउन सुखिपुर नगरपालिका वडा नम्बर दशको वडा अध्यक्ष पदमा मैले उम्मेदवारी दिने घोषणा गरेको छु ।उमेरले ३२ वर्ष भएका यादव दहिपौडी स्थायी बासिन्दा हुन्, उनलाई स्थानियले आगामी निर्वाचनमा विश्वास गरी मत दिनेमा विश्वस्त रहेको उनी बताउछन् ।
