मुकेश कुमार यादव बरियारपट्टी।सिरहा नगरपालिका वडा नम्बर ११ माध्यमिक विद्यालय भलुवाहीको प्राङ्गणमा आज सफा र स्वच्छ टोल घोषणा समारोह सम्पन्न भएको छ ।
सिरहा नगरपालिकाको मेयर तथा कार्यक्रमको प्रमुख अतिथिले विकासको मुल आधार नै पूर्ण सरसफाई रहेको बताए । नगरपालिकालाइ नै पूर्ण सरसफाइयुक्त बनाउनका लागी सबैको साथ आवश्यक रहेकोमा मेयर यादवले जोड दिए।
कार्यक्रमको अध्यक्षता गर्नु भएको वडा नम्बर ११ को अध्यक्ष बिनोद कामतिले मानिसको जिवनमा सरसफाई अतिआवश्यक रहेको बताउनुभयो । घरमा शौचालय, शुद्ध खानेपानी, शारिरिक सरसफाई लगाएतमा ध्यान दिन सकेमा विभिन्न रोगवाट बच्न सक्ने बताउनुभयो ।
नियमित रुपमा चर्पीको प्रयोग, साबुन पानीको प्रयोगले हातधुने निश्चित ठाउँको किटान, सुद्ध पिउने पानीको प्रयोग गर्ने बानीको विकास, सफा घर आँगन र घरबाट निस्कने फोहोरको उचित व्यवस्थापन गर्ने बानीको विकास लगायतका सुचकलाई पहिलो चरणमा केन्द्रित गरेर टोल पूर्णसरसफाई उन्मुख घोषणा गरिएको सबल नेपालको क वास अधिकृत राम नाथ साहले जानकारि दिए ।
कार्यक्रममा स्थानीय,शिक्षक,महिला ,पत्रकार ,प्रहरी ,समाजसेवी लगायतको उपस्थिति थिए।कार्यक्रम संचालन रामएकवाल कामतिले गर्नुभएको थियो ।
आफ्नो प्रतिक्रिया दिनुहोस् !