मुकेश कुमार यादव बरियारपट्टी ।सिरहाको बरियारपट्टी गाउँपालिका वडा नम्बर ३ जनता माध्यमिक विद्यालय प्राविधिक घारको प्राङ्गणमा ‘वित्तीय जागरण राष्ट्रिय अभियान’अन्तर्गत विशेष कार्यक्रम सम्पन्न भएको छ।
कार्यक्रमको प्रमुख अतिथि पुर्व शिक्षा मन्त्री चित्रलेखा यादवले जब सम्म ग्रामीण क्षेत्रको अर्थतन्त्र मजबुत हुदैन तबसम्म राष्ट्रको अर्थतन्त्र मजबुत हुदै भन्ने बताउनु भयो ।
नेपाल राष्ट्र बैंक मधेस प्रदेशको निर्देशक निराताल्चा मगरले‘बैंकिङ कर्जा लिएर उद्यमशीलतामा लागेका व्यक्तिहरूलाई उदाहरणका रूपमा प्रस्तुत गरी बैंक तथा वित्तीय संस्थाको महत्त्व र त्यसबाट लिन सकिने फाइदाबारे सर्वसाधारणलाई जानकारी गराउनु भयो ।
बरियारपट्टी गाउँपालिका अध्यक्ष तथा कार्यक्रमको बिशिस्ट अतिथि संतोष कुमार महतोले बैंक तथा वित्तीय संस्था अर्थतन्त्रको मुटु भएकाले गाउँदेखि शहरसम्मका सबै मानिस यस्ता संस्थामा जोडिएर कारोबार गरे मात्र देशले समृद्धि हासिल गर्न सक्ने बताए । ‘बरियारपट्टी गाउँपालिकामा यस्तो कार्यक्रमको आवश्यकता महसुस गरिएको थियो । मलाई लाग्छ, कार्यक्रमले जनता र बैंकबीच सम्बन्ध गाँस्न थप सहयोग गर्नेछ,’ महतोले भने । जनता माध्यमिक विद्यालय प्राविधिक घारको प्रधानाध्यापक बिरवल यादवले अहिलेको अवस्था पनि समाजमा भेदभाव छदैछ, छोरीलाई सरकारी विद्यालय र छोरालाई प्राइभेट विद्यालय अध्यन गर्न पठाउँछन् ।
नेशनल माइक्रोफाइनान्स लघुवित संस्था लिमिटेडको सिइओ रामबहादुर यादवले नेपालमा अझै पनि ६० प्रतिशत नागरिक बैंकिङ पहुँचभन्दा बाहिर रहेको र अझै पनि झण्डै २० प्रतिशत नागरिक अझै पनि साहू महाजनसँग नै कारोबार गरिरहेकको बताउनु भयो ।कार्यक्रममा स्थानीय, विद्यार्थी ,महिला ,शिक्षक,पत्रकार,प्रहरी ,बैंकिङ क्षेत्रको कर्मचारी उपस्थिति थिए ।
आफ्नो प्रतिक्रिया दिनुहोस् !