मुकेश यादव बरियारपट्टी : सिरहाको सशस्त्र प्रहरी विओपीले ६० थान अबैध मोबाइल समात्न सफल भएको छ। सीमा नाका नवराजपुर गाउँपालिकाबाट सशस्त्र प्रहरीले अवैधरूपमा नेपालतर्फ ल्याउँदै गरेको ६० हजार रुपैयाँ बराबरको ६० थान मोबाइल बरामद गरेको छ ।
७ नं. गणका सशस्त्र प्रहरी बोर्डर आउट पोष्ट (बिओपी) नवराजपुरको फोरवार्ड बेस झाझपट्टीले सीमानाका नवराजपुर गाउँपालिका -५ झाझप्ट्टी दशगाजा क्षेत्रबाट भन्सार छलेर ल्याइँदै गरेको ६० थान (१ कार्टुन) ६० हजार मूल्य बराबरको मोबाइल बरामद गरेको हो ।
नवराजपुर गाउँपालिका -५ झाझप्ट्टी दशगाजा क्षेत्रमा फोरवार्ड बेस झाझपट्टीका सशस्त्र प्रहरी सहायक निरीक्षक रामचन्द्र चौधरीको कमान्डमा खटिएको टोलीले अवैधरुपमा नेपाल भित्र्याइँदै गरेको ६० थान मोबाइल बरामद गरेको हो ।
डियुटीमा रहेका प्रहरीलाई तस्करले देख्नासाथ एटीएल २१६३ मोडेल मोबाइलको कार्टुन फालेर भागेको सशस्त्र प्रहरीले जनाएको छ। बरामद गरिएको मोबाइल आवश्यक कारबाहीका लागि इनर्वा ठाडी भन्सार कार्यालयमा पठाइएको सशस्त्र प्रहरी सहायक निरीक्षक चौधरीले जानकारी दिए ।
आफ्नो प्रतिक्रिया दिनुहोस् !