मुकेश कुमार यादव बरियारपट्टी । जनता समाजवादी पार्टी (जसपा) का अध्यक्ष उपेन्द्र यादवले विश्वका धनी देशहरुभन्दा नेपाल जस्तो गरिब देशको चुनाव महंगो भएको बताएका छन् । उनले यस्तो महँगो चुनाव गरिब, दलित, पछाडि पारिएका वर्गले लड्न नसक्ने बताए ।
स्थानीय तहको चुनाव गराउन सरकारले १० अर्ब बजेट छुट्टयाएँदा निर्वाचन आयोगले ५० अर्ब मागेको भन्दै उनले नेपाल जस्तो गरिब देशमा कसरी चुनाव हुने बताए ।
‘यो त सरकारी खर्च भयो, चुनाव लड्नेका निम्ति गरिने खर्च अन्य धनी देशभन्दा धेरै बढी छ’ उनले भने, ‘यति खर्चिलो चुनावमा दलित, महिला, गरिब पछाडि पारिएका व्यक्ति कसरी चुनाव लड्छ ? प्रदेश र संसदको चुनाव त अझ महंगो छ ।’
‘संविधानमा निर्वाचन प्रणाली धेरै महँगो छ त्यसलाई परिवर्तन गर्नुपर्छ’ सिरहाको औरही गाउँपालिका वडा नम्बर ३ करहर्वामा बिहिवार आयोजित पार्टी प्रवेश कार्यक्रमलाई सम्बोधन गर्दै अध्यक्ष यादवले भने, ‘नेपाल जस्तो गरिब देशमा यस किसिमको निर्वाचन प्रणालीको आवश्यकता छैन।’
जनता समाजवादी पार्टी (जसपा)का राष्ट्रिय अध्यक्ष उपेन्द्र यादवले जातीय विभेद अन्त्य नभए सम्म मुलुकमा समृद्धि र विकास हुन नसक्ने बताएका छन् ।
।’ ऐतिहासिक मधेश विद्रोहबाट प्राप्त मधेशी ,दलित उत्पीडित वर्गको लागि आरक्षणले मुलुकमा परिवर्तन हुँदै गएको अनुभूति गराए पनि जातीय विभेद भने कायमै रहेको उनले बताए । तर आन्दोलनबाट प्राप्त उपलब्धिका कारण राजनीतिक प्रतिनिधित्वमा पालिकादेखि सांसद सम्ममा दलित र पिछडावर्गको थोरै भए सहभागिता हुँदै जानुले परिवर्तनको संकेत गरेको जिकिर समेत उनले गरे ।
जनता समाजवादी पार्टी नेपालक जिल्ला अध्यक्ष अशोक यादवले विगतको फोरमको नेतृत्वमा भएको आन्दोलनबाटै आरक्षणका कोटाहरु सहितका विभिन्न उपलब्धि भएको र सोही कारणले अत्यन्त पिछडिएका समुदायका महिलाहरु समेत राजनीतिक रुपमा अगाडि बढेको भए पनि सो सहभागिता अझै पर्याप्त नरहेको ठहर अध्यक्ष यादवले गरे ।
