सिरहाको बरियारपट्टीमा पनि विविध कार्यक्रम गरी जनयुद्ध दिवस मनाइएका छन् ।
नेकपा माओवादी (केन्द्र) ले विविध कार्यक्रम गरी बरियारपट्टीको पार्टी कार्यालय बाट रयालि निकालि गाउँ परिक्रमा गरिदै बरियारपट्टी चौकमा कोणसभा गरिदै जनयुद्ध दिवस मनाएका छन।
जनयुद्ध दिवसको स्मरण गर्दै पार्टी कार्यालयहरुमा कार्यकर्ताहरुको भेटघाट र शुभकामना आदान–प्रदानका कार्यक्रमहरुको आयोज नेकपा माओवादी केन्द्रको भातृ संगठन YCL नेपाल द्वारा आयोजित थिए ।
कार्यक्रममा मन्तब्य दिँदै प्रदेश कमिटी सदस्य जिबछ यादवले माओवादीको १० वर्षे जनयुद्धले सदियौदेखिको सामन्ती राज्यसत्ताबाट छुटकारा दिलाए पनि नेपालमा माओवादी आन्दोलन पूरा नभएकोले सबैले आआफ्नो ठाउँबाट खबरदारी गर्नुपर्ने बताए।
त्यस्तै प्रदेश प्रतिनिधि तथा जिल्ला कमिटी सदस्य राजेन्द्र यादवले आजको दिन प्रति क्रियावादी राज्यसत्तालाई ध्वंस गर्दै नयाँ जनवादी सत्ताको स्थापना गर्ने जनयुद्धको वाटोमा अघि बढौं ! भन्ने मुल नाराको साथ जनयुद्धको सुरुवात रोल्पाको होलेरी र रुकुमको आठबीसकोट बाट २०५२ साल फागुन १ गते शुरु गरेको जनयुद्धको परिणामस्वरूप २ सय ५० वर्ष लामो केन्द्रीकृत सामन्ती राजतन्त्रात्मक राज्यव्यवस्था को अन्त्य भयो भने बताउनु भयो ।
प्रदेश प्रतिनिधि अजय यादवले अहिले संघीय शासन ब्यवस्था,धर्मनिरिक्षेपता र समावेशीता जनयुद्धको महत्वपूर्ण उपलब्धि भएको बताए ।यादवले थपे आउदो चुनावमा बरियारपट्टी गाउँ पालिकामा नेकपा माओवादी केन्द्रको स्थानीय सरकार भयो भन्ने पालिकाको सहिद परिवारलाई रोजगारको व्यवस्था गर्छु भन्ने बताए ।
कर्मचारी संघको केन्द्रीय उपाध्यक्ष राम उदगार यादवले नेपालमा गणतन्त्र स्थापना र लोकतान्त्रिक शासन ब्यवस्था कायम गर्न जनयुद्धको महत्वपूर्ण भूमिका रहेको बताए ।
नेकपा माओवादी केन्द्रको पालिका अध्यक्ष रामेश्वर यादवले जनयुद्धकै बलमा नेपालमा अहिलेको राजनितिक परिवर्तन सम्भव भएको बताए ।
औरही गाउँ पालिका वडा नम्बर ५ का अध्यक्ष दिलिप यादवले माओवादी जनयुद्धले नेपाली जनताको हकअधिकार मुखरित भएको उल्लेख गदै अझै जनयुद्धले परिकल्पना गरेको हक अघिकारको सुनिश्चिता हुन नसकेको बताए।
नेता तथा कार्यकर्ताले सहिदको फोटोमा माल्यार्पण गरेका छन् । कार्यक्रममा बोल्दै नेताहरुले जनयुद्धको प्रशंसा गर्दै सहिदप्रति श्रद्धान्जली व्यक्त गरेका छन् । उनीहरुले घाइते तथा सहिद परिवारप्रति सम्मान पनि व्यक्त गरे ।कार्यक्रममा सहिद परिवारका सदस्यहरुको पनि उपस्थिति छ ।
आफ्नो प्रतिक्रिया दिनुहोस् !