बरियारपट्टी ।सिरहा जिल्लाको औरही गाउँपालिका-५, औरहीमा जनता समाजवादी पार्टी, नेपाल (जसपा) ले आयोजना गरेको पार्टी प्रवेश कार्यक्रम बिहिवार भव्यताका साथ सम्पन्न भएको छ ।

नेपाली कांग्रेस र एकीकृत माओवादीका दर्जनौं कार्यकर्ताहरु जसपामा प्रवेश गरेका छन् ।

नेपाली कांग्रेस र एकीकृत माओवादी पार्टी परित्याग गरेर जसपामा प्रवेश गरेका नव प्रवेशी कार्यकर्ताहरुलाई मधेस प्रदेशका भुमि व्यवस्था तथा कृषि सहकारी मन्त्री बिजय यादवले स्वागत तथा बधाई दिनुका साथै फुलमाला र अबिर लगाएर पार्टी प्रवेश गराएका छन् ।

पार्टी प्रवेश कार्यक्रमलाई सम्बोधन गर्दै मन्त्री यादवले भने, ८८ वटै जिल्लामा जनता समाजवादी पार्टी, नेपाल (जसपा) प्रति आम जनताको लहर बढ्दै गएको उनले बताए । अब जसपा देश्मा ठुलो पार्टी हुनबाट कसैले रोक्न नसक्ने समेत मन्त्री यादवले दावी गरे ।

मन्त्री यादवको प्रमुख आतिथ्यतामा भएको पार्टी प्रवेश कार्यक्रममा थपे अब मधेस प्रदेशको हरेक पालिकाको किसान समस्या बुझेर किसानको उन्नति प्रगति कसरी हुन्छ यस्तो योजना ल्याउन प्रयास गरेको छु ।

कार्यक्रममा बिशिस्ट अतिथि मो. खलिद सिध्दिकी, शिबजि यादव अतिथि जिल्ला सदस्य राजाराम यादव,देबझारि यादव,वडा इकाई समिति अध्यक्ष प्रभु नारायण यादव ,गुल्टेन यादव लगायत जिल्ला तहका नेता तथा कार्यकर्ताहरु, नागरिक समाज, अवकाश प्राप्त शिक्षकहरु, बुद्धिजीवि, कर्मचारी, कृषक वर्ग, विद्यार्थी, पत्रकार र आम जनसमुदाय समेतको भव्य उपस्थिती रहेको थियो ।स्वागत मनतब्य शिबजि यादवले गरेको थिए।कार्यक्रमको उद्घोषण रमन कुमार यादवले गरेका थिए ।