काठमाडौं । प्रधानमन्त्री शेरबहादुर देउवाले कोरोना संक्रमण रोक्न नदिन उच्च सतर्कता अपनाउन निर्देशन दिएका छन् ।
शुक्रबार बसेको कोभिड–१९ संकट व्यवस्थापन केन्द्र (सीसीएमसी) निर्देशक समितिको बैठकमा प्रधानमन्त्री देउवाले अहिले कोरनाको संक्रमण बढिरहेकाले संक्रमण बढन नदिने उपाय अपनाउन निर्देशन दिएका हुन् । बैठकमा प्रधानमन्त्री देउवाले संक्रमितहरुको परीक्षण तथा उपचारमा विशेष ध्यान दिन र अस्पतालहौर तयारी अवस्थामा राख्न निर्देशन दिए ।
स्वास्थ्यमन्त्री विरोध खतिवडाका अनुसार प्रधानमन्त्री देउवाले बैठकमा सीमा नाकाहरुमा कोभिड–१९ को परिक्षण गर्ने र खोप लगाउने कामलाई अझ तीव्रता दिन निर्देशन दिएका छन् ।
बैठकमा ओमिक्रोन भेरियन्टको संक्रमणदर बढ्दै गएमा स्मार्ट लकडाउन गर्ने विषयमा पनि छलफल भएको छ । संक्रमितहरुको संख्या बढेर गएमा भीडभाड हुने सिनेमा हल, विद्यालयहरु बन्द गर्ने जस्ता स्मार्ट लकडाउनका विषयमा छलफल गरिएको छ ।
सीसीएमसी बैठकले बुस्टर डोज खोप पनि अघि बढाउने अनुमति दिएको छ ।
नेपालमा पुस महिनामा २४ ओमिक्रोन संक्रमित पुष्टि भएको स्वास्थ्य मन्त्रालयले आइतबार जानकारी दिएको छ ।
त्यस्तै दैनिक कोरोना संक्रमितहरुपनि हरेक दिन जसो बढिरहेको देखिएको छ । शुक्रबारको मन्त्रालयको अपडेटमा अघिल्लो दिनको तुलनामा दोब्बर संक्रमित बढेको देखिएको छ । शुक्रबार ९६८ जनालाई कोरोना पुष्टि भएको छ ।
आफ्नो प्रतिक्रिया दिनुहोस् !