आमहड्ताल सफल पार्न सडकमा उत्रेका डा. सीके राउत नेतृत्वको जनमत पार्टीका १४ कार्यकर्तालाई प्रहरीले सिरहाको विभिन्न स्थानबाट पक्राउ गरेको छ ।
सिरहाका एसपी हिरा बहादुर पाडेका अनुसार सवारी साधनमा तोडफोड र आगजनी गरेका १४ जना पक्राउ परेका छन् । ९ जना गोलबजारबाट, ३ जना मिर्चैयाबाट र एक जना विष्णुपुरबाट पक्राउ परेका हुन् ।
पक्राउ पर्नेहरुमध्ये एक जना ट्रकमा आगजनी गर्ने रहेकाले उनीमाथि मुद्दा चलाउने एसपी पाण्डेले बताए । उनले भने, ‘बांकी १३ जनाको सबालमा सुरक्षा समितिको बैठकमा छलफल हुन्छ । त्यसपछि मात्रै मुद्दा चलाउने कि छाड्ने भन्छौं ।’
औरही गाँउपालिकाले गहुंको बीउ लुकटेको भन्दै चार जनामाथि मुद्दा दर्ता गराएको र प्रहरीले एक किसानलाई पक्राउ गरेको विरोधमा जनमत पार्टीले आज आमहड्तालको घोषणा गरेको थियो ।
आन्दोलनको अवज्ञा गरेको भन्दै जनमत पार्टीका कार्यकर्ताहरुले चोहर्वामा ट्रकमा आगजनी गरेका छन् । यस्तै राजमार्ग बन्द गराउने जनमतका कार्यकर्ता र प्रहरीबीच ठाउ ठाउमा झडप भएको थियो ।जनकपुर टुडे
आफ्नो प्रतिक्रिया दिनुहोस् !