लहान । सिरहामा ३१ किलोग्राम प्रतिबन्धित गाजा औरही गाउँपालिका वडा नम्बर १ दरैहिया ढलान वाट सशस्त्र प्रहरीले बरामद गरेको छ। सशस्त्र प्रहरी बोर्डर आउट पोष्ट बरियारपट्टीबाट सशस्त्र प्रहरीको बरिष्ठ हवल्दार खर्क बहादुरको नेतृत्वमा खटिएको गस्ती टोलीले ३१ केजी २०० ग्राम गाजा सनिवार बिहान ६ बजे बरामद गरेको हो।
दरैहिया भएर भारततर्फ तस्करले टाउकोमा गाजा बोकेर लैजाँदै गरेको अवस्थामा सशस्त्र प्रहरीले ढलान स्थित बरामद गरेको हो। गस्तीमा रहेको सशस्त्र प्रहरीलाई देख्ने वित्तिकै गाजाको बोरा फ्याकेर भागेकाले तस्कर भने पक्राउ गर्न नसकिएको सशस्त्र प्रहरीको एसपी दिपेन्द्र गिरि ले बताए।
बरामद गाजा आजै जिल्ला प्रहरी कार्याल सिरहा बुझाउने सशस्त्र प्रहरीको एसपी दिपेन्द्रले जानकारी दिए।
आफ्नो प्रतिक्रिया दिनुहोस् !