सिरहाका विभिन्न कार्यालयहरूमा हुँदै गरेको भ्रष्टाचार निर्मुल पार्न आफू लागिपरेको भन्दै अनुगमनलाई तिब्रता दिन सिरहाका नवनियुक्त सिडियो लालबाबु कवारीले सरोकारवाला निकायलाई निर्देश दिएका छन् ।
लाहानको सिटिईभिटी हलमा आयोजित सर्वपक्षीय छलफल कार्यक्रममा सिडियो कवारीले सिराहाको जल्दाबल्दा समस्याको बारेमा अन्तरक्रिया गरि कार्यक्रम सम्पन्न गरेका छन् । पुस २ गते शुक्रबार गरिएको उक्त कार्यक्रमलाई सम्बोधन गर्दै उनले भने ‘सूचना आमनागरिकको हक हो । सूचना नदिने, लुकाउने जोकोही अपराधी हुन र त्यसतालाई हतकडी लगाउछौं ।’
पत्रकारहरुलाई सम्बोधन गर्दै सिडियो कवारीले भने ‘हामी स्थानीय निकाय संग समन्वय गरि मोफसलका पत्रकारहरूलाई समानुपातिक हिसाबले बिज्ञापन दिलाउने प्रयास गर्छौं ।’
त्यसैगरी सिमाक्षेत्रमा भइरहेको लागुऔषध तथा तस्करीलाई नियन्त्रण गर्न कडा अनुगमन गर्ने, महिला हिँसा, बलात्कार, छुवाछुत, बोक्सीको आरोपलगायत समाजिक विकृतिलाई निर्मुल पार्न आफू पछि नहटने उनले बताए ।
सो कार्यक्रममा लहान नगरपालिकाले व्यापक भ्रष्टाचारी गरिरहेको आरोप नेपाल पत्रकार महासंघ सिराहाका नि.वर्तमान अध्यक्ष तथा केन्द्रिय परिषद सदस्य दिनेश्वर प्रसाद गुप्ताले लगाए । पत्रकार गुप्ताले भने ‘लहान ७ स्थित लहान नगरपालिकाले लगाएको डिजिटल बोर्डमा ४ लाखबढी कमिशन लिएर कमसल समान लगाएको छ । त्यसैगरी लहान २४ मा अढाई महिनादेखि विकास निर्माणको लागि ढाट लगाएर सडक अवरोध गरेपनि हालसम्म वर्ता समेत भएको छैन । मेयर मुनी साहले आफ्नो निजी घर सार्वजनिक जग्गा मिचेर बनाएरको छ ।’ पत्रकार गुप्ताले पशुपति मावि लहानले ९ बर्ष अगाडि करोडौ रकम लिएर व्यापारीहरुको लागि स्टल नबनाएकोले आन्दोलितपक्षलाई व्यवस्थापन गर्न सुझाव दिए ।
कार्यक्रममा लहान नगरपालिकाका उपमेयर सरियार चौधरी, जिल्ला उद्योग वाणिज्य सँघका अध्यक्ष अशोकलाल अमात्य, नेपाल पत्रकार महासँघ सिरहाका अध्यक्ष मनोज बनैता, नेपाल पत्रकार महासँघ सिरहाका उपाध्यक्ष गणेश साह, रेडक्रस सोसाइटीका फुलेश्वर महतो, नेपाली काँग्रेसका क्षेत्रीय सभापति महेश चौधरी, काँग्रेसका लहान सभापति रासलाल राय, जसपाका नगर अध्यक्ष दिनेश महतो, माओवादी केन्द्रका प्रतिनिधि, नागरिक समाजका भैरव गेलाल, कृष्ण गेरैल, लोसपाका नगर अध्यक्ष महमुद आलम, एमालेका प्रतिनिधि, नेकपा समाजवादीका प्रतिनिधिलगायत एक दर्जन पत्रकारले शान्ति सुरक्षामा जोड दिँदै समाजिक विकृति, भ्रष्टाचार नियन्त्रण गर्न जोड दिएका थिए । डिएम खबर बाट
आफ्नो प्रतिक्रिया दिनुहोस् !