नेपाली कांग्रेसको वडा अधिवेशनमा निर्वाचन अधिकृतको आलटाल

वीरगन्ज,२ मंसीर /
बाराको परवानीपुर गाँउपालिका ५ बहुवरीमा नेपाली कांग्रेसको वडा अधिवेशन गर्न तयारी भएपनि निर्वाचन अधिकृत आलटाल गर्न थालेको पाएको छ ।
सबै तयारी गराएर स्वच्छ तरिकाले निर्वाचन अधिकृतलाई वडा अधिवेशन गर्न मनसाय नभएकाले आलटाल गर्न थालेको पाएको हो ।
आज बिहान ८ बजे वडा अधिवेशनका गर्नका लागी जिल्ला निर्वाचन कमिटीले निर्वाचन अधिकृतको रुपमा उमाशंकर यादवलाई पठाएको थियो ।
तर निर्वाचन अधिकृत यादवले करिब साढे २ बजेसम्म वडा अधिवेशन स्थलमा नपुगेर आलटाल गर्न थालेको नेपाली कांग्रेस वडा नम्बर ५ का वडासभापति कुन्जबिहारी पटेलले आरोप लगाए ।
अधिकृत यादवलाई पटक पटक कार्यक्रम स्थलमा पुग्नलाई सम्पर्क गरीएपनि बेवास्त गर्दै आएको पटेलले बताए ।
उनले वडा अधिवेशनका गर्नका आज भनिएको स्थानमा सबै तयारी गरेर क्रियाशील सदस्य उपस्थित भएको तर अधिकृत यादव उपस्थित नभएर केहि स्थानीय नेताको घरमा पुगेको उनले बताए ।
उनका अनुसार अधिकृत यादव वडा अधिवेशन लोकतान्त्रिक प्रक्रियाले गर्न नचाहेर एकजना व्यक्तिलाई वडासभापति बनाउनका लागी लागेका छन ।
वडासभापति पटेलले लोकत्रान्त्रिक प्रक्रियाले वडा अधिवेशन नभए आफुहरुले कसैलाई पनि कोठे सभापति नमाने चेतावनी दिए ।