रामशंकर भण्डारी
सप्तरी। अपहरणमा परेका भारतीय नागरिकलाई नेपाल भारत सिमा क्षेत्रबाट सशस्त्र प्रहरी निरिक्षक लाल बहादुर खडकाकाे नेतृत्वमा ७-८ जना पैदल गस्ती टोलीले सकुसल उद्धार गरेका छन् ।
जिल्ला मधुबनी लौकहा ग्राम पन्चायत वडा नं.— ९ बस्ने सत्यनारायण साहको छोरा वर्ष २२ को शंकर कुमार साहलाई अज्ञात ब्यक्तिहरुले अपहरण गरी नेपालको दशगज्जा तर्फ लगेको भारतीय नागरिकले सूचना दिएपछि सशस्त्र प्रहरी बोर्डर आउट पोष्ट रामनगर कोदरकट्टी सप्तरीका सशस्त्र प्रहरी निरीक्षक लाल बहादुर खड्का कमाण्डमा सशस्त्र प्रहरीका टोलीले उद्धार गरिएको लाल बहादुर खडकाले बताएका छन्।
बलान बिहुल गाँउपालिका वडा नम्बर — ५ रामनगर नेपाल भारत सिमा स्थित झाँडीमा खुट्टामा साङ्लोले बाधि लडाई रहेको अवस्थामा राती १० बजे सकुसल उद्दार गरिएको र सो स्थानमा खोजतलाश गर्दा एनसेल कम्पनीको नेपाली सिम कार्ड प्रयोग भएको सधारण मोबाईल सेट एक थान फेला परेको स.प्र.नि. खडकाले जनाएको छ । अपहरणमा परेका ब्यक्तीलाई प्रहरी चाैकी-काचनको जिम्मा लगाएके सशस्त्र प्रहरी निरिक्षक खड्काले जानकारी दिए ।
आफ्नो प्रतिक्रिया दिनुहोस् !