एजेन्सी – अफगानिस्तानबाट ल्याइँदै गरेको २.७ अर्ब बराबरको लागूऔषध भारतमा बरामद
अफगानिस्तानबाट ल्याइँदै गरेको २.७ अर्ब बराबरको लागूऔषध भारतमा बरामद भएको होो ।
अफगानिस्तानबाट ल्याइँदै गरेको करिब २.७ अर्ब बराबरको लागूऔषध (हिरोइन) भारतमा बरामद गरेको छ । करिब तीन टन हेरोइन पश्चिम भारतको बन्दरगाहबाट बरामद गरिएको गुजरात राज्य राजश्व गुप्तचर विभाग (डिआरआई) का अधिकारीहरुले बताएका छन् ।
डिआरआइका अनुसार तीन टन हेरोइनसहित दुई भारतीय नागरिक समेत पक्राउ परेका हुन् । सो मात्रामा लागुऔषत हिरोइन अफगानिस्तानबाट भारत ल्याइँदै गरेको अवस्थामा उनीहरुलाई गुजरात राज्यको मुन्द्रा बन्दरगाहबाट पक्राउ गरिएको हो ।
गार्जिनयमा प्रकाशित समाचारअनुसार २ हजार केजी र १ हजार केजी गरी दुईवटा भिन्दाभिन्दै कन्टेनरभित्र लुकाएर राखिएको थियो । सो लागुऔषत अफगानिस्तान हुँदै ईरानबाट भारत पठाइएको अनुसन्धानबाट खुलेको छ । करिब तीन टन हेरोइनको मुल्य करिब २.७ अर्ब बराबरको रहेको बताइएको छ ।
हिरोइन उत्पादनमा अफगानिस्तान संसारकै सबैभन्दा ठूलो मुलुक मानिन्छ भने संसारभर ८० देखि ९० प्रतिशत हिरोइन बिक्री वितरण गर्ने गर्छ । पछिल्लो समय अफगानिस्तानमा हेरोइन उत्पादनमा वृद्धि भएको र यसले तालिवानलाई शत्तामा फर्किन सहज बनाएको बताइन्छ ।
आफ्नो प्रतिक्रिया दिनुहोस् !