वीरगन्ज,४ असोज /
वीरगन्जका होटल तथा पर्यटन व्यवसायीले कोरोनाविरुद्धको आज दोस्रो खोप लगाएका छन् । होटेल कुमु प्लासेसमा होटल व्यवसायमा संलग्न व्यवसायी तथा कामदार कर्मचारी गरी ३ सय ६ जनाले दोस्रो खोप लगाएका हुन् ।
साउनमा खोपको पहिलो मात्रा लगाएका व्यवसायी र कामदार कर्मचारीलाई दोस्रो मात्राको समय मै खोप लगाईएको होटेल तथा पर्यटन व्यवसायी संघ पर्साका सदस्य एवं होटेल कुमु प्यालेसका कुबेर कार्कीले जानकारी दिए ।
स्थानीय होटल व्यवसायीले लामो समयदेखि खोप माग गर्दै आएकोमा पहिलो र दोस्रो वीरगन्ज महानगरपालिकको समन्वयमा खोप उपलब्ध भएको अर्को युवा व्यवसायी सन्दीप बस्नेतले बताए ।
सीमावर्ती क्षेत्र वीरगन्जको होटल व्यवसायमा संलग्न व्यवसायी र कामदार कोरोनाको उच्च जोखिममा थिए । खोपमा प्राथमिकता दिनुपर्ने माग व्यवसायीहरूको रहँदै आएको थियो ।
होटल व्यवसायीले कोरोनाविरुद्धका खोप लगाएपछि वीरगन्ज महानगरपालिकाका स्वास्थ्य तथा सामाजिक विकास महाशाखा धन्यवाद ज्ञापन गरीएको बस्नेतले बताए ।
दोस्रो खोप लगाउने बेलामा होटल तथा पर्यटन व्यवसायी संघका उपाध्यक्ष श्रेत्रबहादुर श्रेष्ठ होटल व्यवसायी शेखर चौधरी लगायतकाले सहयोग गरेका थिए ।