वीरगन्ज,१ असोज /
विगत लामो सयमदेखि कोरोना संक्रमण महामारीका कारण बन्द गरिएको सीमा नाकामा भारतीय सवारी साधनहरुलाई आवागमनमा रोक लगाएपछि वीरगन्जका होटल तथा पर्यटन व्यवसायी मारमा परेको बताएका छन ।
कोरोना महामारीमा पनि वीरगन्ज–रक्सौल नाकामा सर्वसाधारणको आवागमन निर्वाध रूपमा भइरहेको भएपनि भारतीय पर्यटकहरु बास नबसेपछि होटल तथा पर्यटन व्यावसायीहरु मारमा परेको बताएका हुन ।
निजी सवारीसाधनको आवागमनमा भने रोक लगाइएको छ । जसले गर्दा टाढा–टाढाबाट नेपाल आउने भारतीय पाहुना आउन सकेका छैनन् । सबैभन्दा बढी प्रभावित भएको होटल तथा पर्यटन क्षेत्रलाई सरकारले सीमा नाकालाई सहज नबनाइ दिएकाले होटल व्यवसायबाट पलायन हुने चिन्ता जनाएका छन् ।
सरकारले सीमा नाका बन्द गरेपछि वीरगन्ज नाका भएर आउने मुख्यगरी भारतीय पर्यटकहरुको आवागमन ठप्प भएपछि आफूहरु पेशाबाट नै पलाउन हुनुपर्ने अवस्थामा पुगेको कुमु प्यालेसका कुबेर कार्कीले बताए ।
‘वीरगन्ज पर्यटकीय भन्दा पनि व्यापारिक क्षेत्र हो । सीमा नाकामा भारतीय सवारी आवागमन निषेध छ, भारतीय पाहुना आउन पाएका छैनन्,’जसका कारण अहिले व्यवसाय नै डुबेको छ । उनले भने,
उहाँले वीरगन्ज सीमा नाकाबाट दैनिक सयौं ब्यक्तिहरुको ओहोरदोहोर भएपनि औपचारिक रुपबाट नाका संचालनमा नआँउदा पर्यटन क्षेत्र नराम्रोसंग मारमा परेको होटल मायालुका संचालक एवं युवा ब्यवसायी सन्दिप बस्नेतले बताए । उनले एक दर्जन होटलहरु यो अवधिमा बन्द भइसकेको जानकारी दिए ।
सो समयदेखि बन्द रहेको नाका अहिलेसम्म पनि खुल्न नसक्दा पर्यटन क्षेत्र अस्तब्यस्त बनेको यहाँका पर्यटन व्यवसायीहरुको भनाइ छ ।
पहिलो र दोश्रो लहरको कोरोनाका कारण आफूहरुले एक अर्ब जति क्षति ब्यहोर्न परेको पर्यटन व्यवसायी संघ पर्साका अध्यक्ष हरि पन्तले बताए ।सीमा नाका लामो समयसम्म बन्द हुँदा आफूहरुले झेल्न परेको समस्याको बिषयमा चाँडै प्रधानमंत्री शेर बहादुर देउवालाई जानकारी गराउने योजनामा रहेको युवा ब्यवसायी बस्नेतले बताए ।
सरकारले कोरोना संक्रमण बढेको भन्दै २०७६ साल चैत ११ गते रातिबाट नै वीरगन्ज नाका बन्द गरेको थियो ।
आफ्नो प्रतिक्रिया दिनुहोस् !