वीरगन्ज,३० भदौ /
बाराको परवानीपुर गाँउपालिकामा नेकपा एमालेको अगुवा कार्यकर्ता भेला तथा प्रशिक्षण कार्यक्रम आज सम्पन्न भएको छ । परवानीपुर गाँउपालिका वडा नम्बर ५ बहुवरीमा एमालेको अगुवा कार्यकर्ता भेला तथा प्रशिक्षण कार्यक्रम सम्पन्न भएको हो ।
पुराना कम्युनिष्ट नेता रामदेव राय भरको अध्यक्षतामा भएको भेलामा नेकपा एमाले बाराका अध्यक्ष बलबरि चौधरीले अगामी दिनमा कुनैपनि हालतमा पार्टीलाई मजबुत बनाउने गरी संगठन निर्माणमा ज्ट्न आग्रह गर्नूभयो ।
उहाँले अब अहिले पार्टीमा कुनैपनि आन्तरीक विवाद नभएकाले पार्टीलाई बलियो बनाउने गरी काम गर्न नेता कार्यकर्ताहरुले निर्देशन दिनुभयो ।
भेलामा बोल्दै नेकपा एमालेका प्रदेश कमिटि सदस्य रामपाल यादवले पनि पार्टीलाई अगामी निर्वाचनमा जिताउनका लागी अहिलेदेखी मतदाता नामावलीमा कार्यकर्ताहरुको नाम समावेश गराउन गरी काम गर्न बताउनुभयो ।
विगतमा पार्टीको नेतृत्व सहि नै नभएकाले पराजय भोग्नुपरेको बताउँदै अहिले ढिला भएर पनि जिल्ला नेतृत्व अगाडी आएकाले अगामी निर्वाचनमा सकरात्मक नतिजा आउनेमा विश्वास व्यतm गर्नुभयो ।
अगुवा कार्यकर्ता भेला तथा प्रशिक्षण कार्यक्रममा सबिधान सभा सदस्य एवं प्रदेश कमिटि सदस्य जयप्रकाश यादव,जिल्ला सचिव महम्द समिर ,राजमहम्द राय ,केन्द्रिय परिषद सदस्य धुरी साह ,अमर यादव , बिनोद साह , युवा नेता रामक्षेत्री पटेल ,उमेश गुप्ता ,नविन यादव,राष्ट्रिय युवा संघ बाराका अध्यक्ष पुरुषोतम साह लगायतका नेता कार्यकर्ताहरुको सहभागीता रहेको थियो ।