रोट्रयाक्ट क्लब बर्दिवास द्वारा हाजिरीजवाफ प्रतियोगिताको आयोजना , मोर्डन गुरु कुल प्रथम

बर्दिवास ,२९ भदौ /
विश्वव्यापी रुपमा फैलिएको कोरोना संक्रमण कारण विद्यार्थी एवम शैक्षिक क्षेत्रमा नै गहिरो प्रभाव परेको र विद्यार्थीहरुमा पढ्ने मनोविज्ञान कम हुदै गहिरहेको बेला रोट्रयाक्ट क्लब अफ बर्दिवासले शैक्षिक क्षेत्रमा सुधार होस भन्ने हेतुले आज बालदिवसको अबसर पारेर वार्ड स्तरीय हाजिरीजवाफ प्रतियोगिताको आयोजना गरेको छ ।
जसमा वार्ड नं १ को विद्यालयहरुलाई समेटेर कार्यक्रम आयोजना गरिएको थियो हाजिरीजवाफ प्रतियोगिता फरक एवम नौलो शैलीमा गरिएको थियो यसमा विभिन्न राउण्डहरु राखिएको थियो त्यसमा स्ट्राटप,र्Þयापिड फाएर,बज्जर ,अडियो–भिजियोल र ग्याम्बलिङ्ग राउण्ड गरि पाँच राउण्ड गरिएको थियो ।
विद्यालयहरू मध्ये मोर्डन गुरुकुल बोर्डिङ्ग स्कूलको उत्कृष्ट प्रदर्शन गर्दै पहिलो भएको थियो क्रमशः एभरेष्ट बोर्डिङ स्कुल दोस्रो ,देउराली माध्यमिक विद्यालय तेस्रो र बर्दिवास बोर्डिङ्ग स्कूल चौथो भएको छ ।
रोट्रयाक्ट क्लबले आयोजना गरेको यो कार्यक्रम एकदमै उत्कृष्ट ,नौलो एवम राष्ट्रिय स्तरको भएको सहभागी विद्यार्थीहरुले बताएका छन साथै यस्ता कार्यक्रम पुनः भइरहनु एकदमै जरुरी रहेको छ ।
यस्ता कार्यक्रम स्पोर्टस क्षेत्रमा पनि गरे देखि एकदमै राम्रो हुने थियो सहभागी विद्यार्थीहरुले जोड दिएका छन् ।
रोट्रयाक्ट क्लब अफ बर्दिवास रोटरी क्लबको भातृक्लबको रुपमा रहेको छ यो क्लब विगत लामो समयदेखि नै शिक्षा, स्वास्थ्य एवम शान्तिको क्षेत्रमा लगनशील भएर काम गर्दै आइरहेको छ ।
युवाहरुको जोस एवम विचारलाई सहि सदुपयोग गरेर यो क्लबले विगत वर्ष देखी नै सामाजिक कार्यक्रम गर्दे आईरहेको रोटरी क्लवका पुर्व अध्यक्ष द्वय शम्भु भट्टराई र हिरा गौतमले जानकारी दिनु भएको छ ।
रोट्रयाक्टका युवाहरुले गरेको यो कार्यक्रम हामिलाई समेत चेतना छर्ने कार्यक्रम रहेको उहाँहरुको भनाइ छ । रोट्रयाक्ट क्लबका युवाहरुलाई हमेसा साथ एवम सहयोग गर्ने बताउँदै उहाँहरुले विश्वस्त गराउनुभएको छ ।
कार्यक्रमको समापन गर्दै रोट्रयाक्ट क्लब अफ बर्दिवासका अध्यक्ष निरज सुवेदीले सम्पुर्ण सहभागी विद्यार्थीहरु ,शिक्षकहरु ,रोटरियन अथितिहरु लगायत प्रत्रकारहरुलाई विशेष धन्यवाद दिनु भएको छ साथै यस कार्यक्रमलाई सफल बनाउन सहयोग गर्ने सम्पुर्ण सहयोगीहरुमा हृदय देखि नै धन्यवाद भन्दै आगामी दिनमा पनि साथ र सहयोगको अपेक्षा राखेका छन ।
रोट्रयाक्ट क्लब अफ बर्दिवास हाल महोत्तरी जिल्ला कै उत्कृष्ट क्लब मध्य एक यो क्लब पनि पर्दछ । रोट्रयाक्ट क्लबलाई बर्दिवासका ब्यापारि ,बुद्दिजिबी एवम विभिन्न संगठन तथा अन्य क्लबहरुको पनि साथ र सहयोग रहेको रोट्रयाक्ट क्लब एवम बर्दिवास कै युवा समाजसेवी बिजय पोखरेलले बताए ।