विश्वका ५ उदाउँदा शक्तिराष्ट्रको समूह ‘ब्रिक्स’ को १३ औं शिखर सम्मेलनले भएको छ । भारतीय विदेश मन्त्रालयका प्रवक्ता अरिन्दम बागचीका अनुसार सम्मेलनको अध्यक्षता भारतीय प्रधानमन्त्री नरेन्द्र मोदीले गरेका थिए ।

भर्चुअल रूपमा आयोजित सम्मेलनमा रुसका राष्ट्रपति भ्लादिमिर पुटिन, चीनका राष्ट्रपति सी चिनफिङ, दक्षिण अफ्रिकाका राष्ट्रपति सिरिल रामाफोसा र ब्राजिलका राष्ट्रपति जायर बोल्सोनारो सहभागी भए । ‘ब्रिक्स’ लाई विश्वकै ५ उदाँउदो अर्थव्यवस्था भएका मुलुलकको समूह मानिन्छ । भारतीय प्रधानमन्त्री मोदीले दोस्रो पटक ब्रिक्स सम्मेलनको अध्यक्षता गरेका हुन् ।
यसअघि सन् २०१६ मा गोवामा आयोजित सम्मेलनमा उनले अध्यक्षता गरेका थिए । उक्त सम्मेलनमा नेपालका तर्फबाट तत्कालीन प्रधानमन्त्री पुष्पकमल दाहाल सहभागी भएक थिए । सार्क क्षेत्रका बिमस्टेक सदस्य राष्ट्रलाई सम्मेलनमा आमन्त्रित सदस्यका रूपमा सहभागी गराइएको थियो । उक्त सम्मेलनमा दाहालले चिनियाँ राष्ट्रपति सी र भारतीय प्रधानमन्त्री मोदीसँग गरेको त्रिपक्षीय वार्ताको निकै चर्चा भएको थियो ।

ब्रिक्स स्थापना भएको १५ वर्ष पुगेको छ । यस वर्ष सम्मेलनको विषय ‘ब्रिक्स एट फिप्टिन ः इन्ट्रा–ब्रिक्स कोअपरेसन फर कन्टिनुइटी, कन्सोलिडेसन एन्ड कन्सेन्सस’ तय गरिएको छ । उस पटक बहुपक्षीय प्रणालीमा सुधार, आतंकवादविरुद्धको लडाइँ, विकासको लक्ष्य प्राप्तिका लागि डिजिटल र प्रविधिको उपयोग र अन्तरदेशीय सम्पर्क बढाउने कुरामा छलफल हुने बताइएको छ ।

त्यस्तै कोरोना महामारी, अन्य वैश्विक र क्षेत्रीय मुद्दामा पनि चर्चा सम्भावना रहेको छ । यस बैठकमा अफगानिस्तानको पछिल्लो घटनाक्रमका बारेमा पनि चर्चा हुने सम्भावना रहेको छ ।