एजेन्सी । अफगानिस्तानको बगलान प्रान्तस्थित तीन जिल्ला तालिबान विरोधीले आफ्नो कब्जा जमाएका छन् । अफगान सरकारको एक बफादर गुटले तालिबान लडाकुलाई हराएर तीन जिल्ला आफ्नो कब्जामा लिएको बीबीसीले जनाएको छ ।
तालिबान विरोधी गुटले पाली हिसार, दी सलाह र बनो जिल्ला कब्जामा लिएका छन् । बगलान प्रान्त पञ्जशीर सुबेको नजिकै पने प्रान्त हो । राजधानी काबुलको उत्तरमा रहेको पञ्जशीर घाटीलाई तालिबानविरुद्ध प्रतिरोधको अन्तिम प्रमुख गढ मानिन्छ ।
काबुलको उत्तरमा हिन्दुकुश पहाडहरूबाट घेरिएको पञ्जशीर घाटी लामो समयदेखि प्रतिरोधको केन्द्रको रुपमा मानिएको छ । यदि तालिबानले पञ्जशीरमा आक्रमण गरेमा त्यहाँ जुटेको गुटले उनीहरूविरुद्ध लड्ने विश्लेषकहरूको भनाइ छ ।
आफ्नो प्रतिक्रिया दिनुहोस् !