लहान । सिरहाको औरही गाउँपालिकाले एक कार्यक्रममा आज छात्रालाई साईकल वितरण गरेको छ । बेटि पढाउ बेटि पढाउ कार्यक्रमलाई निरन्तर दिन गाउँपालिका स्तरीय योजना वाट पालिकाको उपाध्यक्ष यादवले विद्यार्थीलाई साइकल वितरण गरेको छ ।
कोभिडका कारण अघिल्लो आर्थिक वर्षमा साइकल हस्तान्तरण गर्न नसकिएकाले यसपटक साइकल हस्तान्तरण गरिएको औरही गाउँपालिका उपाध्यक्ष सिता देबि यादवले बताइन् ।औरही गाउँपालिका वडा नम्बर १ श्री जनता माध्यमिक विद्यालय दरहियाका कक्षा ८ मा अध्यनरत छात्राहरुलाई ३० थान साइकल वितरण गरिएको हो । । साइकल पाएपछि विद्यार्थीहरु निकै खुसी भएका थिए । यसै विद्यालयका कक्षा ८ मा पढ्ने छात्रा लक्ष्मी यादवले पालिकाले आफूलाई साइकल दिँदा निकै खुसी लागेको बताइन् । साइकल पाएपछि विद्यालय जान आउन सजिलो हुने र यसले गर्दा पढाईमा पनि निरन्तरता दिन सहज हुने उनले बताइन् ।
कक्षा ८ मा पढ्ने विद्यार्थी सोनी कुमारीले साइकल दिएकोमा पालिकाको उपाध्यक्ष सीता यादव र पालिका परिवारलाई आभार प्रकट गरिन् । घरबाट स्कुल जाँदा धेरै किताब बोकेर जार्नु पर्ने, घरमा काम गरेर जाँदा ढिला पनि हुने हुँदा अब भने साइकल भएपछि बेलैमा विद्यालय जान सजिलो हुने उनी बताउँछिन् । साइकल पाएपछि पठनपाठनमा पनि निकै सहज हुने उनको भनाई छ ।
कार्यक्रममा विद्यालयको प्रधानाध्यापक उपेन्द्र प्रसाद यादव ,विद्यालय व्यवस्थापन समिति अध्यक्ष महेश यादव, विद्यार्थी ,शिक्षक,समाजसेवी लगायत उल्लेखनीय उपस्थिति थिए ।
आफ्नो प्रतिक्रिया दिनुहोस् !