लहान । सिराहामा जारी लकडाउनका कारण मालपोत को सेवा ठप्प भएको बेला नेपाल सरकारका कानून, न्याय तथा संसदीय मामिला मन्त्री मा. लिलानाथ श्रेष्ठले गोप्यरुपमा जग्गा पास गराएको खुलेको छ । मन्त्री श्रेष्ठले लकडाउनको धज्जी उडाउदै जग्गा नामसारी गराएको सूचना प्राप्त भएको हो ।  

मालपोत कार्यालय लाहानले गोप्य रुपमा जग्गा पास गर्दै गरेको खबर पश्चात् नेपाल लेखापढी कानुन ब्यवसाय एसोसिएसनले सर्वसाधारणको समेत जग्गा पास गराउन विहिवार एक डेलिगेशन पठाएका थिए । तर लकडाउनको बहाना बनाउदै मालपोत अधिकृत दिपेन्द्र चौधरीले अहिले जग्गा पास गर्नु गराउनु कानुन विपरित भएको बताएका थिए । 

मन्त्री श्रेष्ठको जग्गा पास किन र कसरी भएको प्रश्नको उत्तर दिदै अधिकृत चौधरीले भने ‘मन्त्री ज्युको श्रीमतीको नाममा जग्गा पास भएको हो । सिराहाका प्रमुख जिल्ला अधिकारी प्रदीप राज कणेलको सिफारिस भएको कारण जग्गा नामसारी गर्न हामी बाध्य भयौं । स्थानीय प्रशासनको आदेश त हामीले मान्नै पर्यो ।’

मन्त्री श्रेष्ठले उक्त जग्गा सिडियोलाई आदेश दिई मालपोत खोल्न लगाएर आफ्नो पत्नीको नाममा पास गराएको मालपोतकै एक श्रोतले बताए । करोडौं ऋण लिई जग्गा बेचेका र किनेका सर्वसाधारण भने लकडाउन अन्त्यको प्रतीक्षामा छ्न । आर्थिक मारमा रहेका स्थानीय मानसिक दवाव झेल्नुपर्ने अवस्था रहेको छ । आखिर ‘सानालाई ऐन र ठुलालाई चैन’ कहिले सम्म? कानुन मन्त्रीले नै कानुन मिचेपछि देशको भविष्य के होला? गम्भीर प्रश्न उठेको छ ।

डिएम खबर बाट