लहान ११ , बैशाख ।प्रदेश नम्बर २ सिरहामा आगजनी हुदा लाखौं धनमाल जलेर नष्ट ।
लक्ष्मिपुर पत्तारी गाउँपालिका वडा नम्बर – २ पर्सा टोलमा शुक्रवार साझ करिब ५ बजे भएको आगलागीले लाखौको क्षति भएको छ । स्थानीय रविन्द्र साहको घरबाट आचानक सल्केको आगोले एकै दाजुभाईका ८ घर – परिवारको धनमाल पुर्णरुपमा जलेर नष्ट भएको छ ।
आगलागीले कुनै प्रकारको मानवीय क्षति नभएपनी भैतिक रुपमा पिडित घरमुलिहरुको घर – घरमा रहेको अन्नपात , कपडालत्ता , भाडाकुडा , गरगहना , नगद , लगायतका सरसमानहरु पुर्ण रूपमा जलेर नष्ट भएको स्थानीय हरेराम साफिले बताए । क्रमशः सचिन्द्र साहको ( ६ लाख ) , बिरेन्द्र साहको ५० हजार नगद सहित जम्मा (१० लाख ) , आनन्द साहको ३ लाख नगद सहित जम्मा ( १० लाख) , लाले साहको ( ६ लाख) , धिरेन्द्र साहको १ लाख ५० हजार नगद सहित जम्मा (५ लाख ) , लछुराम साहको ( ४ लाख ) , रविन्द्र साहको (४ लाख) , रामलोचन साहको राईसमिल , नगद रु ४ लाख सहित जम्मा (१५ लाख ) बराबरको धनमाल सहित करिब ६० लाखको क्षति भएको पीडित परिवारले जनाएको छ ।
घरमा कोई नभएको बेला आचानक आगलागी भएको वडा नम्बर- २ का वडा अध्यक्ष धर्मेन्द्र राय दनुवारले बताए । लहानबाट आएको बारुण यन्त्रले १ घण्टा पछि आगो नियन्त्रणमा लिएको थियोे । आगलागीको कारण पीडित परिवार बिचल्लीमा परेपछि तत्कालै गाउँपालिका बाट राहत स्वरुप प्रती परिवार २५ केजि चामल ,२ केजि दाल , २ किलो नुन , १ लिटर खानेतेल , आधी किलो स्वाविन , २ वटा सावुन , १ वटा त्रिपाल पीडित परिवारलाई वितरण गरेको गाउँपालिकाका लेखापाल नरेश कामतीले जनाएको छ । वडा अध्यक्ष धर्मेन्द्र राय दनुवारले आफ्नो ब्यक्तिगत तर्फबाट पीडित परिवारलाई नगद एक हजार को दरले जम्मा रु आठ हजार राहत स्वरुप सहयोग गर्नुभएको थियो ।
पीडित परिवारलाई राहत दिन सहयोगी मनहरुको खाचो रहेको वडा अध्यक्ष दनुवारले आग्रह गर्नुभएको छ । बिचल्लीमा परेको परिवारलाई सेवा गर्नु भन्दा ठूलो धर्म अरु कुनै नभएकोले सरोकारवाला लाई तत्काल सहयोग गर्न उहाँले आग्रह गर्नुभयो । आगलागी भएको स्थलगत स्थानमा आज भएको राहत वितरण कार्यक्रममा पालिकाका कर्मचारी धनिकलाल यादव लगायत स्थानीय बुद्धिजीवी , राजनैतिक दलका प्रतिनिधि , पत्रकार लगायतको सहभागीता रहेको थियो ।
