प्रथम परवानीपुर फुटबल प्रतियोगीता शनिबार बाट संचालन हुने

वीरगन्ज,९ बैशाख
करिब एक दशक पछि पुन परवानीपुरमा फुटबल प्रतियोगीता संचालन हुने भएको छ । शक्ति युवा क्लब र परवानीपुर युथ क्लबको संयुक्त आयोजनमा पर्सीबाट प्रथम परवानीपुर फुटबल प्रतियोगीता संचालन हुने भएको हो ।
बिहिबार खेल मैदानमा पत्रकार सम्मेलनको आयोजना गरेर आयोजक क्लबले त्रिभुवण लोकमार्गमा वीरगन्ज महानगरपालिका २१ परवानीपुरको खेल मैदानमा बैशाख ११ शनिबार अपरान्ह ३ बजेबाट खेल प्रतियोगीता सुरु हुने जनाएको छ ।
कोरोना महामारीमा सकेसम्म स्वास्थ्यका मापदण्ड पुरा गरेर प्रतियोगीता संचालन हुने आयोजक क्लबका अध्यक्ष सुवोध श्रीवास्तवले जानकारी दिए ।
उनका अनुसार प्रतियोगीतामा खेल हेर्न आउने दर्शकहरुले कोरोना महामारीबाट जोगीनका लागी अनिवार्य रुपमा मास्कको प्रयोग गर्न आग्रह गरे ।
विगत लामो समयपछि परवानीपुरमा प्रतियोगीता सुरु गरीएकाले यसपटकका लागी निशुल्क रुपमा दर्शकका लागी खेल हेर्न सकिने व्यवस्था गरीएको उनले बताए ।
पहिलो पटक हुन लागेको फुटबल प्रतियोगीतामा १० लाखको लगानी हुन लागेकाले विभिन्न ठाँउबाट सहयोग वापत रकम व्यवस्था गरीएको अध्यक्ष श्रीवास्तले बताए ।
पहिलो फुटबल प्रतियोगीताको मुख्य प्रायोजकको रुपमा त्रिशक्ति सिमेन्ट रह्ने छ भने अन्य आधा दर्जन भन्दा बढि विभिन्न सहप्रायोजकहरु रह्ने उनले बताए ।

आठ वटा टिम सहभागी हुने
करिब एक साता सम्म चल्ने फुटबल प्रतियोगीतामा ८ वटा फुटबल टिमले भाग लिने आयोजकले जनाएको छ । प्रदेश २ का विभिन्न जिल्लाका ६ वटा , सशस्त्र प्रहरी बल बर्दिबास र प्रदेश ३ का एक वटा गरी ८ वटा टिमले भागले लिने भएका हुन ।
प्रतियोगीतामा वीरगन्ज युथ क्लब वीरगन्ज, वीरगन्ज युनाईटेड क्लब वीरगन्ज ,नेपाल खेलकुद क्लब रौतहट ,जनकपुर स्पोर्ट क्लब धनुषा ,बेल्खाडी युवा क्लब महोतरी ,एपिएफ क्लब बर्दिबास ,बागमति युवा क्लब वाग्मति र हेटौडा फुटबल एकेडमी हेटौडा सहभागी हुने अध्यक्ष श्रीवास्तवले बताए ।
प्रतियोगीतामा विजेता हुने टिमले एक लाख नगद,शिल्ड र प्रमाणपत्र पाउने छन भने उपविजेताले नगद ५० हजार सहित शिल्ड र प्रमाणपत्र पाउने छन ।
प्रत्येक दिन खेलमा म्यान अफ दी म्याच हुने खेलाडीले नगद ५ हजार ,मेडल र प्रमाणपत्र पाउने छन । भने उत्कृष्ट गोलकिपर, डिफेन्डर,स्ट्राईकर,मिडफिल्डर र कोचलाई जनहि ३÷३ हजार प्रदान गरीने आयोजकले जनाएको छ । यस्तै प्रतियोगीता भरीमा उत्कृष्ट ( म्यान अफ द सिरिज ) हुने खेलाडीले १० हजार पाउने छन ।
पत्रकार सम्मेलनमा आयोजक क्लबका उपाध्यक्ष रवि राजा राम ,महासचिव दिपक यादव ,सचिव धुप मन्डल, कोषाध्यक्ष अलि अख्तर आलम ,सदस्यहरु अनिल श्रीवास्तव ,सुरेश यादव ,सफिक आलम ,रेहान आलम(काले) ,सुनिल मंडल, ईमरान आलम लगायतको सहभागीता रहेको थियो । पत्रकार सम्मेलनको संहजीकरण पत्रकार अनिल कुमार गौरवले गरेका थिए ।