काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपालका लागि चिनियाँ राजदूत होउ यान्छीबीच भेटवार्ता भएको छ । सोमबार बिहान ललितपुरको खुमलटारस्थित प्रचण्ड निवासमा राजदूत यान्छी र माओवादी केन्द्रका अध्यक्ष प्रचण्डबीच भेटवार्ता भएको हो ।
चिनियाँ राजदूत होउ यान्छी सोमबार बिहान ०९:०५ बजे प्रचण्ड निवास पुगेकी थिइन् भने ०९:५५ बजे त्यहाँबाट बाहिरिएकी हुन् ।
प्रचण्डलाई सरकारलाई दिएको समर्थन फिर्ता नलिन दबाब दिनका लागि राजदूत यान्छी खुमलटार पुगेको बताइएको छ । अहिले कसरी अघि बढ्ने भन्ने विषयमा प्रचण्ड अप्ठ्यारोमा परेपछि राजदूत यान्छी खुमलटार पुगेर कम्युनिस्ट सरकारलाई नै निरन्तरता दिन प्रचण्डलाई दबाब दिएको स्रोतले पुष्टि गरेको छ ।
कम्युनिस्ट सरकार हुँदा नेपालमा हुने अवैध ठेक्का र अन्य गैरकानुनी गतिविधिहरु गर्न छुट हुने भएकोले ओली सरकारलाई नै निरन्तरता दिन प्रचण्डलाई राजदूत यान्छीले दबाब दिएकी छन् ।
त्यसअघि सोमबार नै मार्क्सवादी अर्थशास्त्री तथा पत्रकार डा. विजय पौडेलले पनि प्रचण्डसँग भेट गरेका थिए । उनले बिहान ७:४० बजेदेखि ०८:५० बजेसम्म प्रचण्डलाई भेटेका हुन् ।
आफ्नो प्रतिक्रिया दिनुहोस् !