साना किसान हरैयाको १३औं बार्षिक साधारणसभा सम्पन्न

२३ माघ २०७७
मनहर्वा,बारा
करैयामाई गाउँपालिका १ स्थीत रहेको साना किसान कृषि सहकारी संस्था लिमिटेड हरैया बाराको १३औं बार्षिक साधारणसभा सुक्रबार सम्पन्न भएको छ ।संस्थाको निर्माणाधिन कार्यालय भवन परिषरमा करैयामाई गाउँपालिका अध्यक्ष भुनेश्वर धामीले सभाको उद्घाटन गर्नुभएको हो ।
सभाका प्रमुख अतिथी समेत रहनुभएका धामीले एकता र सहकार्य सहकारीको सफलताको कडी भएको बताउनु भयो । सफलता र असफता आफैंले केलाएर सुधार गर्ने आँट नगरे सम्म समृद्ध बन्न नसकिने हुँदा अनुभव र शिक्षा हाँसिल गर्नु पर्ने छ । सहकारी अभियानले आर्थीक सामाजीक विकासमा महत्पूर्ण भुमिका खेलेको बताउनु भयो ।
यस्तै साना किसान कृषि सहकारी संघ लिमिटेड बाराका अध्यक्ष मिश्रीलाल सहनीले सहकारी अभियानको विशिष्ट अभियानका रुपमा साना किसान अभियान स्थापित भएको बताउनु भयो ।
कार्यक्रममा सहकारी पत्रकार समाज बाराका अध्यक्ष पुष्पराज खतिवडा, साना किसान कृषि सहकाी संस्था लिमिटेड भोडहाका अध्यक्ष विन्दा सिँह, सपहिका प्रबन्धक अरुण चौधरी, तेतरियाका भुपेन्द्र चौधरी, छातापिपराकाका प्रबन्धक जितेन्द्र चौधरी, करैयामाई गाउँपालिका १का अध्यक्ष सोनालाल साह,संस्था संचालक मन्जु बस्नेत लगायतको सहभागिता थियो ।
८७७ जना शेयर सदस्य रहेको संस्थाले करिब ६ करोको कारोबार गर्दै आएको संस्थाको संस्था प्रबन्धक भुपन्द्र प्रसाद चौधरीले सभामा पेश गर्नुभएको बार्षिक प्रगती प्रतिवेदन सुझाव सहित पारित गरेको छ ।
संस्था अध्यक्ष रामलखन प्रसाद चौधरीको अध्यक्षता , उपाध्यक्ष रामएकवाल चौधरीको स्वागत एवं कर्मचारी लिलावती चौधरीको संचालनमा कार्यक्रम सम्पन्न भएको हो ।