बारा
२२ माघ २०७७
संसद विघटनको विरुद्धमा नेकपा (प्रचण्ड माधव समुह)ले विहिवारका लागि आव्हान गरेको आम हड्तालको जिल्लामा सामान्य प्रभाव परेको छ । निजी शैक्षिक संस्था, कलकारखाना, मालवाहक तथा यात्रु वाहक सवारी आवागमन प्राय ठप्छ छ ।
मालपोत, नापी, भुमिसुधार, जिल्ला प्रशासन, कृषि लगायतका सरकारी कार्यालयहरु खुलेका छन् । तर कार्यालयमा कर्मचारी तथा सेवाग्राहीको उपस्थीति भने न्युन प्राय छ । सिमरा , जीतपुर, कोल्हवी, सदरमुकाम कलैया, प्रसौनी लगायतका स्थानमा रहेका जिल्लाका मुख्य बजारहरु खुलेका छन् । बैंक, वित्तिय संस्थाहरु संचालनमा रेहको पाईएको छ ।
यता सदरमुकाम कलैया स्थीत भरत चौकमा भेलाभई बजार बन्द गराउन खोज्ने ६ जना सहित जिल्लामा ७ जना आन्दोलनकारीलाई प्रहरीले नियन्त्रणमा लिएको छ । नेकपा कलैया उपमहानगरपालिकाका नगर अध्यक्ष जवाहिर अंसारी, सचिब मुकेश साहसँगै हरिओम साह,संदिप यादव,बैजनाथ साह,राजेश पटेललाई कलैयाबाट र परवानीपुर गाउँपालिकाको परवानीपुरबाट लालबहादुर पटेललाई प्रहरीले नियन्त्रणमा लिएको नेकपा( प्रचण्ड माधव समुहका)का नेता राजन पौडेलले जानकारी गराए ।
यता जिल्लाको जितपुर सिमरामा नेकपा ओली समुहका यूवा समुहले बन्दको अवज्ञा गर्दै मोटरसाईकल ¥यालि निकालेका छन् । करिब २० वटा मोटरसाईकलमा नेपालको झण्डा बोकेका यूवाहरुले नेपाल खुल्ला छ । बन्द गर्न पाँईदैन । नेपाल सरकार जिन्दावाद। आमहड्ताल मुर्दावाद भन्ने नारा लगाएका थिए ।
यसैविच बन्दलाई प्रभावकारी बनाउन निस्कीएको प्रचण्ड माधव समुहका नेता कार्यकर्ता र ओली समुहका बन्द विरोधी यूवाहरुको समुह आमने सामने भएपनि प्रहरीले झडप हुन दिएन ।
सदरमुकाम कलैया लगायत आसपास फेटा, महागढिमाई, सिम्रौनगढ, देवताल, करैयामाई लगायतका पालिकाहरुमा समेत बन्दको प्रभाव नपरेको स्थानियले बताएका छन् ।
जिल्लाको शुरक्षा ब्यवस्था भने कडा बनाईएको बारा प्रहरीले जनाएको छ ।
आफ्नो प्रतिक्रिया दिनुहोस् !