मुकेश कुमार यादव
लहान माघ १८ गतर । / सिरहाको बिष्णुपुर गाउँपालिका वडा नम्बर १ मा वडा अध्यक्ष गोल्डकप प्रतियोगिता २०७७ आईतवार देखी गौरिपुरमा सुरु भएको छ । बिष्णुपुर गाउँपालिका वडा नम्बर १ को आयोजनामा संचालित प्रतियोगिताको उद्घाटन कार्यक्रमका प्रमुख अतिथी जिल्ला समन्वय समितिको उप प्रमुख सरोज यादवले गरेका हुन ।
उद्घाटन समारोहलाई सम्वोधन गर्दै कार्यक्रमका प्रमुख अतिथी यादवले मानव स्वास्थ्य संग प्रत्यक्ष जोडिएको खेलकुदको विकास विना देशको समृद्धी असम्भव रहेको बताएका छन । मावन समाज र अनुशासन को मुख्य मेरुदण्ड खेलकुद हो यसको विकास विना समृद्धी सम्भव छैन अव स्थानिय तह सिंगो खेलकुदको विकासमा जुट्न आवश्यक छ यादवले भने ।
खेलकुद क्षेत्रलाई स्थानिय निकायले हेर्ने दृष्टीकोण अझै साँधुरो छ अब खेलकुदमा स्पष्ट लगानीको खाँचो छ, खेलकुदको उर्वरभुमी बिष्णुरलाई खेलमय बनाउन अपेक्षाकृत लगानीको आवश्यक्ता पर्दछ उनले भने । आयोजक वडा अध्यक्ष गोल्डकपको अध्यक्षता तथा बिष्णुपुर वडा नम्बर १ अध्यक्ष गोपेन्द्र यादवले युवाहरूमा एकता ,अनुशासन सिकनको लागि खेलको आयोजना गरेको वताए ।
