सत्ताको तापमा संविधानको घाँटी सक्ने काम भयो ःअधिकारवादी नेता कृष्ण पहाडी

पुष्पराज खतिवडा
बारा
१८ माघ २०७७
मानव अधिकार तथा शान्ती समाजका केन्द्रिय सभापति कृष्ण पहाडीले सत्ताको तापमा बसेर संविधानको घाँटी सक्ने काम नगर्न प्रधानमन्त्री खड्ग प्रसाद ओलिलाई आग्रह गरेका छन् । आईबार बाराको सिमरामा आयोजित समाज बारा शाखाको १७ औं बार्षिकसभालाई सम्बोधनका क्रममा पहाडीले ओलीले सत्ताको दुरुपयोग गरेको बताए ।
उनले भने “सत्ताको श्रोत्र भनेकै संसद हो ,त्यसैलाई आगो लगाएर प्रधानमन्त्री ओलीले गलत गर्नु भो । संसद कोमा छ । अदालतले बचाउँछ कि बचाँदैन हेरौं । हामी अदालतको सम्मान गर्दछौं । ”
“चिन र भारत तर्फ ईशारा गर्दै पहाडीले उत्तरकाहरु नेकपा मिलाउन चाहन्छन् । दक्षिणकाहरु विभाजनको गहिराई बढेको हेर्न चाहन्छन् । हामी हाम्रो स्वभिमानको रक्षा चाहन्छौं । ” जनताले ५ बर्षका लागि संसदलाई दिएकोे सार्वभांैंसत्ताको अधिकार अबैधरुपमा ओलीले रुदुपयोग गरेको पहाडीको भनाई थियो ।
संसद नभएको अवस्थामा बैशाष देखी ओली असंबैधानिक हुन्छन् । ओली सनक र लहडमा चल्दैछन् । उनले फायर खोलेर संविधानलाई घाईते बनाए । संविधानमा संसद विघटनको परिकल्पना गरिएको छैन उनले भने ।
एउटा दल भित्रको किचलो र समितिमा अल्पमतमा पर्ने डरले संसदको घाँटी न्याक्ने काम भयो जुन महाअपराध हो । दलिय ब्यवस्थामा दलमा छलफल हुन्छ । दलको प्रावधान अनुसार चल्नुको साटो संसदमा आगो लगाउनु ओलीको अलोकतान्त्रीक कदम हो नगरिक अगुवा पहाडीले भने ।
सभालाई सम्बोधन गर्दै पहाडीले भने प्रधानमन्त्रीको कदमलाई सबैभन्दा पहिला असंबैधानीक भनेका हौं । उक्त कदम पश्चात ओलीका चार प्रकारको गतिविधीले शान्ति समाज जनसभामा निस्कीन बाध्य बनाएको पहाडीको भनाई थियो ।
पहिलो अदालदलाई धम्काउने दुस्पभाव पार्ने प्रयासका विरुद्ध, दोस्रो राज्यसंयन्त्रको दुरुपयोगका विरुद्ध , तेस्रो राज्यका पूँजीको दुरुपयोगका विरुद्ध र चौथो दमन र अपमानजनक अभिब्यक्तिका विरुद्ध भएको उनले बताए ।
कार्यक्रममा लोककवि अर्जुन पराजुलीले ब्यंग्यात्मक कविताहरु प्रस्तुत गरेका थिए । “जंगबहादुर हुनुहुँदोरहेछ तपाईं, जुँगा उखेल्नु भो हजुरले जुगको, थुकौं भने पनि तपाईंलाई,
अपमान हुने भो मेरो थुकको ” भन्दै प्रधानमन्त्री ओली प्रती कटाक्ष गरे । उनले बैशाषमा हुने भनिएको चुनावलाई यसरी ब्यङ्गय गरे । “ चुनाव त अब ७८ सालमा हुन्छ महोदय, गन्नोस् कति वर्ष बाँकी छ, हिजोमात्रै १७ साल आयो ”
कार्यक्रममा संविधानसभा सदस्य डा.शोभाकार पराजुली,मानव अधिकार तथा शान्ती समाजका केन्द्रिय सभापती उत्तम पुडासैनी ,समाजका केन्द्रिय बरिष्ठ उपसभापती गोविन्द खनाल, केन्द्रिय सचिव बाबुहरी आचार्य , पूर्व केन्द्रिय कोषाध्यक्ष हरि थपलिया लगायतले बोलेका थिए ।
जिल्ला सभापति सृजना गिरीको अध्यक्षता ,पूर्व उपसभापतिको पुष्पराज खतिवडाको स्वागत एवं पूर्व केन्द्रिय सदस्य सीता अधिकारीको संचालनमा कार्यक्रम सम्पन्न भएको हो ।
फोटोमा ः सिमरामा आयोजित कार्यक्रममा मन्तब्य राख्नु हुँदै अधिकारबादी नेता कृष्ण पहाडी ।