नौसय थान लागू औषध सहित यादव पक्राउ

बारा
१८ माघ २०७७
प्रहरीले नौसय थान अबैध लागु औषध सहित महागढीमाई नगरपालिका वडा नं. ६ धर्मपुर टोल बस्ने रामेश्वर राउत अहिरको छोरा भोला कुमार यादवलाई पक्राउ गरेको छ । उनको साथबाट प्रहरीले अवैध लागू औषध डाइजेपाम ३०० पिस, फेनारगन ३०० पिस र नुफिन ३०० पिस फेला पारेको जनाएको छ ।
आईतबार अपराहन्न जिल्लाको महागढीमाई नगरपालिका २ स्थित हुलाकी राजमार्गमा चेकजाँचको क्रममा भारतीय नम्बरको मोटरसाइकलमा आउँदै गरेका यादवमाथी शंकालागि चेकजाँच गर्ने क्रममा उक्त परिमाणको लागु औषध फेला परेको हो ।
चौकी बरियारपुर बाराबाट खटिएको प्रहरी टोलीले शरीर तलासी गर्ने क्रममा निजले पिठ्युमा बोकेको कालो झोलाभित्र लागू औषध परेपछी तत्काल पक्राउ गरिएको प्रहरीले जनाएको छ ।
लागु औषध मुद्दामा जिल्ला अदालत बाराबाट ७ दिनको म्याद अनुमति लिई हिरासतमा राखी थप अनुसन्धान कार्य भइरहेको बारा प्रहरी प्रवक्ता डिएसपी गौतम् मिश्रले जानकारी दिए ।
फोटोमा ः बरामद भएको लागु औषध सहित पक्राउ परेका यादव । श्रोत जि.प्र.का.बारा