चितुवाको आक्रमणमा परेका यूवक सकुशल

पुष्पराज खतिवडा
बारा
१० माघ २०७७
जिल्लाको विश्रामपुर गाउँपालिका १ का २० बर्षिया मुन्ना पंडित चितुवाको आक्रमणमा परेका छन् । शनिबार विहान मोटरसाईकल मार्फत हेटौंडा जाँदै गर्दा पर्सा राष्ट्रिय निकुञ्ज पथलैया–अमलेखगञ्ज सडकखण्डमा उनी चितुवाको आक्रमणमा परेका हुन् ।
लोकसेवा आयोगको परिक्षा दिन हेटौंडा जाँदै गर्दा पश्चिमबाट पूर्वतर्फ सडक पार गर्ने क्रममा रहेको चितुवाको आक्रमणमा परि उनको देब्रे आँखा तथा टाउकोमा सामान्य चोट लागेको छ । सडक पार गर्ने क्रममा चितुवासँग अकस्मात पंडित आमने सामने हुँदा दुर्घटना भएको पर्सा राष्ट्रिय निकुञ्जका साहायक शंक्षरण अधिकृत रमेश कुमार यादवले जानकारी दिए ।
बाघको आक्रमणमा परेका पंडितको अवस्था सामान्य छ । वहाँले परिक्षा दिएर घर समेत फर्किसक्नु भएको छ । दुर्घटनामा परेका पंडित सामान्य घाईते भएको र वहाँको मोटरसाईकमा समेत सामान्य क्षेती पुगेको सहायक शंक्षरण अधिकृत यादवले बताउनु भयो ।
शनिबार विहान बाघले अधबैंसे पुरुषलाई आक्रमण गरि बेपत्ता बनाएको हल्ला भएपछि निकुञ्न शुरक्षाकर्मीले हात्ती सहित उनको खोजतलाश गरेको थियो । सडक नजिकैको जंगलमा नभेटिएपछि निकुञ्जका चारवटा हात्तीमा नेपाली सेना र नेपाल प्रहरीको टोलीले पुरुषको खोजी गरेका थिए । निकुञ्जका रेन्जर दीपक तिवारीको नेतृत्वमा हात्ती लिएर पुरुष खोज्न थालिएको जानकारी गराईएको थियो ।
केही दिन अघि सोही सडकखण्डमा कारको ठक्करबाट बाघको मृत्यु भएको थियो । पछिल्लो समय उक्त सडकखण्ड नजिकको जंगलमा बाघको चहलपहल बढ्न थालेको छ । सवारी प्रयोगकर्ताले उक्त सडकखण्डमा हिन्दा सावधानी अपनाउनु पर्ने साहायक शंक्षरण अधिकृत यादवले सुझाव समेत गरेका छन् ।