९ माघ २०७७
मनहर्वा,बारा
कृषि उत्पादनका विचौलिया अन्तका लागि अग्रपंतिमा आफु रहने पूर्व मन्त्री एवं प्रदेशसभा सदस्य ज्वाला साहले बताउनु भएको छ । साना किसान कृषि सहकारी संघ लिमिटेड बाराको सुक्रबार जीतपुरसिमरा १८ बडहर्वा स्थीत साना किसान सहकारी मनहर्वाको सभा हलमामा बसेको १३ औं बार्षिक साधारणसभालाई सम्बोधन गर्नुहुँदै साहले कृषि क्षेत्र विचौलियाको मारमा पेरेको बताउनु भयो ।
प्रमुख अतिथी समेत रहनु भएकी पूर्व मन्त्री साहले उत्पादक देखी उपभोक्ता सम्म कृषि उत्पादनमा विचौलिया हावी हुँदा कृषिहरु मारमा रहेको वहाँको भनाई थियो । विचौलिया अन्त गर्न सहकारी मात्रै बलियो अस्त्र हुन सक्छ । सहकारी संस्थाहरु मार्फत किसानका उत्पादन खरिद गर्ने र विक्रि वितरण गर्ने कार्य गर्न राज्यको साथ सहयोग जरुरी छ । त्यसका लागि आफुले आपश्यक पहल गर्ने वहाँको भनाई थियो ।
कार्यक्रममा नेपाल कृषि सहकारी केन्द्रिय संघ लिमिटेडका संचालक शिव अधिकारीले उत्पादनमुखी अभियानमा सहकारीहरुलाग्नु पर्ने बताउनु भयो । सोका लागि सहकारीहरुले आवश्यक रणनीति बनाएर काम थालनी गरे केन्द्रिय संघले आवश्यक प्राविधिक सहयोग गर्ने बताउनु भयो ।
कार्यक्रममा प्रदेश नं.२ कृषि सहकारी संघका सचिब पुनदेव प्रसाद रौनियार, बारा बचत तथा ऋण सहकारी संघ लिमिटेडका अध्यक्ष सतेन्द्र ठाकुर, सहकारी पत्रकार समाज बाराका अध्यक्ष पुष्पराज खतिवडा,साना किसान कृषि सहकारी संस्था लिमिटेड डुमरवानाका अध्यक्ष विश्वनाथ लामिछाने,मुख्य प्रबन्धक नारायण क्षेत्री लगायतकाले शुभकामना मन्तब्य राख्नु भएको थियो ।
साना किसान कृषि सहकारी संघ बाराले जिल्लामा ५ वटा सहकारी निर्माण गर्नुका साथै जिल्लाको सिमरा सहकारी प्रेस संचालन समेत गर्दै आएको छ । प्रारम्भीक सहकारी संस्थाहरुलाई प्राविधिक एवं समन्वयत्मक भुमिका निर्वाह गर्ने उदेश्यले स्थापना भएको जिल्ला कृषि संघमा एकसय ३० वटा सहकारी संस्था आवद्ध रहेको कार्यक्रममा जानकारी गराईयो ।
सभा संघका अध्यक्ष मिश्रीलाल सहनीको अध्यक्षता,उपध्याक्ष कन्हायीलाल थारुको स्वागत एवं सचिब रामएकवाल चौधरीको संचालनमा सम्पन्न भएको हो ।
आफ्नो प्रतिक्रिया दिनुहोस् !