लहान माघ ३ ।सिरहाको सखुवानन्कारकट्टी गाउँपालिकाले कृषि क्रान्तिको लागी ऐतिहासिक निर्णय गरेका छन । कृषि, स्वास्थ, शिक्षा लगायतका सवालमा पालिका अति संबेदनसिल हुँदै आठौं गाउँसभाबाट बिशेष निर्णयहरु गरेको जानकारी प्राप्त भएको छ ।
सभा सम्बोधन गर्दै अध्यक्ष केदारनाथ यादवले कृषि बिधुतिकरणमा गाउँपालिकाले ८० प्रतिशत काम हरु पूरा गरिसकेको जनाएको छ । यादवले भने ‘जनप्रतिनिधि निर्वाचित भएको दिन देखि आज सम्म कैयौं नमुना कामहरु भएका छन ।’ कृषि क्षेत्र आफ्नो पालिकाको मेरुदण्डको रुपमा रहेको भन्दै अध्यक्ष यादवले २०७८ बैशाख देखि किसानहरुको कृषि मिटरको बिल पालिकाले नै भुक्तानी गर्ने सभाबाट निर्णय भएको बताए ।
यादवले पर्यटन प्रवर्धनको निम्ति झण्डा महोत्सवलाई आउने दिनमा समेत निरन्तरता दिईने निर्णय भएको बताए । उनले शिक्षाको स्तरोन्नतिको निम्ति विभिन्न खालको प्रयोगात्मक परिक्षाको ब्यवस्था गरिने जानकारी दिए । त्यसैगरी स्वास्थ क्षेत्रलाई मजबुत पार्न कोरोना अस्पताल तथा स्वास्थ चौकीको उद्घाटन भईसकेको बताए ।
आफ्नो प्रतिक्रिया दिनुहोस् !