सखुवाप्रसौनी ,पर्सा
१८ पौष २०७७
जिल्लाको सखुवाप्रसौनी गाउँपालिका वडा ५महुवनमा एक दिने सहकारी अभिमुखीकरण तालिम सम्पन्न भएको छ । साहस साना किसान कृषि सहकारी संस्था महुवनको आयोजनामा भएको कार्यक्रम सहकारीका ३८ जना महिलाको सहभागिता रहेको थियो ।
सहभागि महिलाहरुलाई सखुवा प्रसौनी गाउँपालिकाकी उपाध्यक्ष फुलमती देवी चौधरी , साना किसान विकास लघुवित्त वित्तिय संस्थाका ईलाका कार्यलय हेटौंडा प्रमुख शेर बहादुर चौधरी, साना किसान कृषि सहकारी संस्था लिमिटेड सपही बाराका प्रबन्धक अरुण चौधरी, आयोजक सहकारी संस्थाका अध्यक्ष नरेश जयसवालले सहजिकरण गर्नु भएको थियो ।
सहकारीको सदस्य बन्नु पूर्व ध्यानदिनु पर्ने कुराहरु, समूहको दायित्व र अधिकार, अन्तर समूह के हो । संस्थामा सदस्यहरुको शेयर , बचत लगायत आन्तरिक श्रोतको महत्व बुझाउने प्रयास भएको संस्था अध्यक्ष जसवालले बताउनु भयो ।
स्वास्थ्य चौकी महुवनको तालिम कक्षमा संचालित कार्यक्रम संस्थाका कर्मचारी टेक बहादुर रानाको संचालनमा सम्पन्न भएको हो ।
